The disappeared will be revealed!

 மறைந்தது வெளிப்படும்!

தண்ணீரில் கரைந்த உப்புபோல்

மனதோடு கரைந்த இறைநிலை

நீர்வற்றச் செய்திட உப்புநிற்கும்

மனஅழுக்கு நீக்கிட மீதமிறையே!

முயற்சியும் தொடர் அக்கறையும்

செயலும் வேண்டும் இரண்டிற்கும்!

காத்தும் இருக்க தானேவெளிப்படும்!

தானாக நடக்கத் துணைபக்தியாம்

தானே முயன்றிட துணையோகம்!

விளக்கம்:

இந்த பிறவியிலேயே, அதாவது நாம் வாழும் இந்த காலத்திற்குள்ளேயே “நான் யார்?” என்பதற்கான விடையறிந்து “இறை” விளக்கமும் பெற வழி இருக்கிறது. கடல் தண்ணீரில் உப்பு கரைந்திருக்கிறது என்பதை நாம் அறிவோம். அதுபோலவே நம் மனதோடு இறை கலந்திருக்கிறது என்பது தெளிவு.

உப்பளங்களில், கடல் தண்ணீரை நிரப்பி, நீர் வற்றச்செய்தால் உப்பு கிடைத்துவிடும். அதுபோலவே மனதில் இருக்கிற களங்கங்களை நீக்கிட அங்கே இறை வெளிப்படும். இதற்கு விடாமுயற்சியும், அக்கறையும், செயலும் இருந்தால்தான் முடியும். மேலும், தகுந்த காலம் வரை காத்திருக்கவும் வேண்டும். இன்றைக்கு ஆரம்பித்து நாளைக்கே கிடைக்கவேண்டும் என்பது முறையல்ல.

இப்படியாக, இறை உண்மையை பெறுவதற்கு இரண்டு வழிகள் உண்டு. அவை பக்தி மற்றும் யோகம். தானாக நடக்கட்டும் என்று அதன் போக்கில் விட்டுவிடும் வழி பக்தி ஆகும். தானே முயன்று அகத்தவம் செய்து, காலத்திற்குள் உண்மை கண்டிட வழி செய்வது யோகம் ஆகும் என்று இந்தக்கவிதை இறை உண்மை உணர்தலை விளக்கமாக சொல்லுகிறது.

வாழ்க வளமுடன்

-----

Present by: