The God and you!

 கடவுளும் நீயும்!

கடவுளை கண்டேதும் பயப்படலாகா!

கடவுளை திட்டியே வெற்றுத்தலாகா!

கடவுளின் செயலையும் மறுத்தலாகா!

கடவுளை வெறுத்தே ஒதுக்குதலாகா

கடவுளே இல்லை என்றுகூறுதலாகா!

கடவுளே பொயென தூற்றுதலாகா!

கடவுளே எனபொய் நடித்தலுமாகா!

கடவுளே என்றே உயிர்பலியிடலுமாகா

கடவுளே என்று சேர்த்துவைத்தலுமாகா!

கடவுளே காப்பானெனெ செலவிடலுமாகா!

கடவுளே காப்பாற்றெனெ புலம்பிடலாகா!

கடவுளே எனகோவில்குளம் சுற்றலுமாகா!

கடவுளே என்றகருத்தில் மனமொன்றியே

கடந்துள்ளே அறிந்திட அதுவேஉண்மை!

விளக்கம்:

இறையை, கட உள் என்ற வினைச்சொல்லை, கடவுள் என்று பெயர் சொல்லாகவே  சொல்லி பழகிவிட்டோம்.  நமது ஐம்புலன்களால் காண, அறிய முடியாத கடவுளை, நமக்குள் மனதால், கடந்து உள்ளே சென்றுதான் உணர முடியும் என்பது உண்மை. இதையே சித்தர்களும், ஞானியர்களும், மகான்களும் சொல்லிவந்தார்கள்.

என்றாலும்கூட மனிதர்கள் இன்னும் கடவுளை, வெளியே தேடிக் கொண்டிருக்கிறார்கள். சிலர் மனிதர்களுக்கு கடவுள் தேவை இல்லாதவராக இருக்கிறார். சில மனிதர்களுக்கு கடவுளே இல்லை என்ற நிலையில் இருக்கிறார். சில மனிதர்களுக்கு இப்போதைக்கு எனக்கு அவகாசம் இல்லை என்ற நிலையில் இருக்கிறார்.

ஆனால், கடந்து உள்ளே இருக்கும் இறையை அப்படியாக ஒதுக்கி தள்ளிவிட முடியுமா? இறையின் அன்பும், கருணையுமான வெளிப்பாடு இந்த பிரபஞ்சம் முழுவதும் நிரம்பி இருக்கிறது. ஒருபோதும் அதன் அளவு குறைவதில்லை. இவன் ஏழை, இவன் பணக்காரன், இது உயிரினம், இது மரம், இது புல், இது அற்பம் என்றெல்லாம் பேதம் பார்ப்பதில்லை. ஒரு மனிதனுக்கு இருக்கிற எல்லைகட்டிய மனதோடு, எங்கும் விரிந்து பரந்த இறையை ஒப்பிடுவது மனிதனின் அறிவீனத்தையே காட்டும்.

கடவுள் என்ற தன்மையை உணர்வாகப் பெற, கடவுள் என்ற நிலையில் நம்முடைய விமர்சங்களை ஒதுக்கித்தள்ளி, மனதை அகத்தவத்தால் பழக்கி, கடந்து உள்ளே அறிவதன்றி வேறு வழியேதும் இல்லை என்ற உண்மையை இந்தக்கவிதை நமக்கு அளிக்கிறது.

வாழ்க வளமுடன்.

-----

Present by: