The magic of the mind!

 மனதின் மாயம்!

ஒருநாள் போல ஒன்றாக காட்சியது

ஒருபோதும் அது ஒன்றல்ல மாயை

நேற்றை நாள் கடந்து போனதுபோனதே

கிடைத்த முழு நாளிது முற்றிலும்புதிது!

புதிதாய் வரும் இன்பம் அதைமறுத்தே

நேற்றைய கவலை சோகம் சிக்குகிறாய்!

உன்மனம் செய்யும் மாயா ஜாலமது!

விளக்கம் பெற்றே விலகி நிற்கப்பழகு!

விளக்கம்:

இந்த பிரபஞ்சம் முழுதும், ஓவ்வொரு நொடியிலும் இயங்கிக்கொண்டே இருக்கும். நிலையானது என்று எதுவுமே இல்லை இந்த பிரபஞ்சத்தில். நேற்றை நாள் கடந்து போனது அவ்வளவுதான், அடுத்த் நொடியே அது மறுநாள் அல்லது புதிய நாளாக நிறைந்து விட்டது. இதும் கடந்தால் இன்னொரு நாள் நிச்சயம். இப்படியே நாம் வாழ்நாள் முழுதும், புத்தம் புதிய நாள் வந்துகொண்டே இருக்கும்.

ஒரு நாள் புதிது என்றால், அதில் வரக்கூடிய இன்பங்களும் புதிதுதானே? ஆனால் நாம் என்ன செய்கிறோம் என்றால்? நேற்றைய நாளின் சோகத்தை, இந்த புதிய நாளில் தடவிக் கொள்கிறோம். இதனால் இந்த புதிய நாளும் துன்பம் மிகுந்த நாள் என்றாகிவிடுகிறது.

இது ஏன்? நாள் புதிது, ஆனால் நம் மனம் அதை ஏற்க மறுக்கிறது. எனவே இது மனம் செய்யும் மாயாஜாலம். இந்த உண்மையை உணர்ந்து விளக்கம் பெற்று, இது புதிய நாள், இதில் நான் துன்பம் விலக்கி இன்பம் காண்பேன் என்று உறுதி கொண்டு விலகி நிற்க பழக வேண்டும் என்று இந்தக்கவிதை நமக்கு விளக்கம் அளிக்கிறது.

வாழ்க வளமுடன்.

-----

Present by: