The way to live a life of happiness!

 இன்ப வாழ்வு வாழ வழி! 

மனிதன் என்ற பரிணாமம்,

இதுவரை வந்த ஐந்தறிவின்

தொடரில் நின்ற மேன்மை.

அதிலே இயற்கை முழுமை!

இல்லாத நெறி இதிலுண்டு

மீறிடவே துன்பத் திருத்தம்

தனையொ இறையோ அறிய

அவகாசம் இல்லை எனினும்

இயற்கை வழியே வாழ்வாய்!

முழுமை இன்பம் சுகித்தே!

விளக்கம்:

ஒரு முழுமையான இன்ப வாழ்வுக்கான ரகசியத்தை இக்கவிதை விளக்குகிறது. மனிதன் தனியாக உருவாகி பிறந்துவிடவில்லை என்பது எல்லோருக்கும் தெரியும். குரங்கிலிருந்து வந்தவன் மனிதன் என்ற பொதுவான கருத்து இருப்பினும் கூட, தொடர்ந்து வந்த பரிணாமத்தில், மலர்ந்த ஓர்ரறிவு தாவர உயிர்முதல், ஐந்தறிவு மிருகங்கள் உயிரின் தொடர்ச்சியாக வந்ததுவே, ஆறாவது அறிவான மனித இனம். 

மனித இனத்திற்குப் பிறகு ஏன் மற்றொரு பரிணாமம் இல்லை? ஏனென்றால், இந்த இயற்கையானது ஆறாம் அறிவான மனிதனில் முழுமை பெற்றுவிட்டது. இதனால்தான் மனிதனின் வாழ்வில் அவன், நேர்மையையை, ஒழுக்கத்தை, அன்பை, கருணையை மையமாக்கொண்டு வாழவேண்டிய அவசியம் உண்டாகின்றது. 

இந்த வாழ்க்கைமுறையை கடைபிடிக்காவிட்டால், இந்த இயற்கையே அவனுக்கு துன்பம் தந்து திருத்துகிறது. ஆனாலும் மனித இனம் இந்த உண்மையை இன்னும் உணர மறுக்கிறது. “நான் யார்?” “இறை என்பது எது?” “இயற்கை என்பது எது?” என்றெல்லாம் சிந்திக்காவிட்டாலும் கூட தவறில்லை. அப்படியொரு தேடல் ஒவ்வொருவருக்கும் கட்டாயமில்லை. ஆனால் அதுதான் பிறப்பின் கடமையாகும். இயற்கையே அப்படியான தேடலுக்கு நம்மை அழைத்துச் செல்லும் என்பதும் உண்மையே!

அந்த அழைப்பின் வழியேதான் நாம் குருவை தேடுதலும், குரு நம்மை தேடுவதும் நிகழ்கிறது. அதுவரையில், இயற்கையை மீறாமல், அதனோடு கைகோர்த்து வாழ்ந்தாலே போதுமானது, வாழ்நாள் முழுமைக்கும், துன்பமில்லாது இன்பமாக வாழலாம்.

வாழ்க வளமுடன்.

----

Present by: