Wait for another chance!

 காத்திருப்பீர் இன்னொரு வாய்ப்புக்கு!

என்றும் மகிழ்ந்து இருப்பதே

என்வழி என்பதாக உலகோர்!

எனக்கு இக்கணமே இன்பம்

என்றே வேண்டியே இயங்குவர்!

தனக்கு கடமைஎது என்றறியா

மயக்கம் அதுதன் விழிப்பின்றி

எழாது எனினும் குறையில்லை!

காத்து இருப்பீர் இன்னொரு

பிறப்பு நிகழும் தொடர்கதை!

விளக்கம்:

மனம் நிலையில்லாமல், செயல்படும் மனிதர்களையும், குறிப்பிட்ட இன்பம் தேடுதலை மட்டுமே விரும்பும் மனிதர்களையும், தன்னியல்பாக கடலில் பயணிக்கும் பாய்மர கப்பலோடு ஒப்பிடலாம். எங்குபோய் சேர வேண்டுமோ, அந்த கரை நோக்கி பயணிக்காமல், காற்றின் திசை வேகத்திற்கும், கடலின் அலை ஓட்டதிற்கும் கட்டுப்பட்டு அக்கப்பல் “என்றுமே” கரை சேர வாய்ப்பில்லை தானே?

மனிதர்களில் பெரும்பாலோர், எந்த நோக்கமும் இன்றியே வாழ்வதை நாம் பார்க்கிறோம். பேராசை, வெறுப்பு, கோபம், பழிவாங்குதல், ஆவேசம், கொலை வெறி இவற்றை மிகச் சாதாரணமாக மறைத்து வைத்துக்கொண்டு வாழ்கிறார்கள். இதைத்தான் சிற்றின்பம் என்றார்கள். இந்த உலகில் ஏன், எதற்காக பிறந்தோம்? நான் யார்? என்று சிந்திக்க இவர்களுக்கு நேரமும், அவகாசமும், ஆர்வமும் இல்லை. ஆனால் அதுதானே பிறப்பின் கடமை?! இதுவே பேரின்பம் என்றார்கள்.

பொதுவாக இத்தகைய மனிதர்களை குறைசொல்லுவதில் பலனில்லை. தன் விழிப்பு என்பது எழாத எந்த மனிதரும் இப்படித்தான் நடந்துகொள்வார்கள். எனவே அவர்கள் வாழ்ந்து மடிந்து, மீண்டும் பிறந்து, மடிந்து இப்படி தொடர்கதையாக பல பிறவிகளுக்குப்பின் “தன்னை அறிய” வாய்ப்பு கிடைக்கலாம், இதுவே கர்மா, அதுவரை அவர்கள் காத்திருக்க வேண்டியதுதான் என்று இந்தக்கவிதை உண்மை விளக்கம் அளிக்கிறது.

வாழ்க வளமுடன்.

-----

Present by: