Guide's Path!

 வழிகாட்டியின் பாதை!

யாருக்கோ நடந்தது நடக்கிறது 

நடக்கப் போவதும் தனக்கேஎன்றும் 

நடக்காத ஒன்றுறென்று எண்ணியே

வாழ்நாளை கடப்பது அறியாமையே!

ஓர்மனிதர் வாழ்வே உனக்குப்பாடம்

திருத்தம் பெறுதற்கு வாய்ப்பில்லாமல்

மேலுமேலும் அவ்வழியே துன்பமே!

விழித்தே எழுவீர் வாழ்நாளினிதே!

விளக்கம்: 

இவருக்கு உடம்பு சரியில்லை, அவருக்கு விபத்து பேச்சுமூச்சில்லாமல் இருக்கிறார், அந்த மனிதர் இறந்தே விட்டார். இந்த ஆள் மொத்த சொத்தையும் இழந்த கதை தெரியுமா? இந்தப்பையன் தன் மனைவியோடு சண்டை போட்டு விலகிட்டான் என்று பிறருக்கு நடந்த விசயங்களை பேசிப் பேசியே நாள் கடத்துகின்றனர். ஒருபோதும் தனக்கு இவ்வாறு நடக்காது என்ற நம்பிக்கை அவர்களுக்கு மிக் அதிகம். ஆனால் அது அறியாமையே!

காட்டு வழியில், உனக்கு முன்னால் நடந்து செல்பவர்தான் உனக்கு வழிகாட்டி என்ற உண்மை உங்களுக்கு தெரியுமா? அப்படித்தான் வாழ்நாளிலும் உங்களுக்கு முன் வாழ்பவர் உங்களுக்கு வழிகாட்டி. ஒருவேளை அவர் தவறான பாதையில் நடந்தால், நீங்கள்தான் திருத்திக்கொள்ள வேண்டும் அல்லவா? 

அப்படி திருத்திக்கொள்ளாமல், அவர் பாதையில் செல்லமாட்டேன், எனவே எனக்கு எதும் நிகழாது என்று முடிவு செய்துவாழ முடியாது. அப்படியான திருத்தம் பெற்ற வாழ்க்கைப் பெற, என்றும் விழிப்புணர்வோடு, தன் பாதை, தன் பயணம், நிகழ்வுகளில் கவனமாக வாழப்பழக வேண்டும். அதுவே வாழ்நாளை மகிழ்வாக்க சிறந்த வழி என்று இந்தக்கவிதை விளக்கம் அளிக்கிறது.

வாழ்க வளமுடன்.

-----

Present by: