Learn the unseen tasty fruit!

காணத பழச்சுவை அறிக!

ஒன்றை அதன் நிலையில் நின்று

உணர்ந்து அறிய வழியை தருவதே

பயிற்சி விளக்கம் தத்துவம் ஆகும்!

யோகம் தந்த அகத்தவமும் அதுவே

உடலை மனதை உயிரை அறிவை

உணர்ந்தே இறையும் அறியத் தரும்!

பக்தியோ காணத பழச் சுவையாம்,

யோகமோ சுவைத்து அறிந்த நிலை!

விளக்கம்:

ஒரு விதை விதைத்து பயிராக்க வேண்டும் என்றால், விதையின் தன்மை, தரம், விளைப்பு நாள், அறுவடை நாள், பாதுகாப்பு, களை, பூச்சி அண்டாமை இப்படி பல விளக்கமும், கால, பருவ, மழை, நீர், மண் தரம், சத்து உரம் இப்படியான விளக்கமும், காலத்திற்கேற்ற நம்முடைய உழைப்பும், பொறுமையும், சரியான பயிற்சியும் இருந்தால்தான், நல்ல விளைச்சலைப் பெற முடியும். 

இந்த 19ம், 20ம் நூற்றாண்டு அணு அறிவியல் காலங்களில், கணக்கீடு அதன் சமன்பாடு ஆகியன அறிய, அதன் எல்லா நிலைகளின் தன்மையும் புரிந்தால்தான் புரிந்துகொள்ள முடியும். அதற்கு கணித விளக்கமும், தத்துவமும், தொடர்ந்த பயிற்சியும் வேண்டும். 

இந்த அடைப்படைகளைப் போலவே, யோகம் வழியாக சித்தர்கள் வழங்கிய இறை தத்துவமும், விளக்கமும், அகத்தவ பயிற்சியும் உள்ளது. ஒரு மனிதன் படிப்படியாக உடலை, மனதை, உயிரை, அறிவை உணர்ந்து, அதன் உச்ச நிலையாக இறை என்பது என்ன என்பதையும் அறிய முடியும். வேறெந்த வழியும் இதற்கு உதவாது.

மேலும் “பக்தி வழியாக இதெல்லாம் முடியாதா?” என்று கேட்போருக்கும் பதிலும் இருக்கிறது. பக்தி என்பது நமக்குத் முற்றிலும் அறியாத, தெரியாத, சுவைத்துப் பார்க்காத,  ஒரு பழத்தின் சுவை ஆகும். யோகம் என்பது அதே பழத்தை நாமே சுவைத்து, இன்ன சுவைதான் என்று உணர்ந்து அறிந்த நிலை ஆகும். என்பதாக இந்தக்கவிதை விளக்கம் அளிக்கிறது.

வாழ்க வளமுடன்.

-----

Present by: