Suffering is a lesson!

 துன்பம் ஒரு பாடமே!

தன்னை அறியும் ஆர்வம் எழுந்தால்

தகுந்த ஆசானோடு ஆறிவும் கூடியே

தனையே நோக்கி அனுப்பி வைக்கும்

பேரன்பும் பேராற்றலும் எங்கும் உளது!

வந்தவழி அறியமறுத்து மறந்து திளைக்க

சிற்றறிவை திருத்தும் முடிவே துன்பம்!

விளக்கம்:

இந்த உலகில் ஒவ்வொரு மனிதனுக்கும், ஒவ்வொரு வகையான துன்பம் எழுவதைக் காணலாம். ஒரு துன்பம் தீர்த்தால் இன்னொன்று அதனோடு தொக்கி நிற்பதுபோல வரிசையாக வந்துகொண்டேயும் இருக்கும். ஆனால் மனிதன் மகிழ்ச்சியாக வாழத்தானே பிறந்தான்? பிறகு ஏன் இவ்வளவு துன்பங்கள் என்பதே மனிதர்களின் கேள்வியாக இருக்கும்.

மனிதனாக பிறந்த நோக்கம், கடமை என்ன என்பதை மறந்துவிட்டு, அது குறித்த சிந்தனைக்கு இடம் கொடுக்காமல் வாழ முற்படுகையில்தான், பெரும்பாலான துன்பங்கள் எழுகின்றன என்பது உண்மை. 

அப்படியானால், மனித பிறப்பின் நோக்கம், கடமை தெர்ந்துகொண்டால் துன்பம் எழாமல் இருக்குமா? ஆம், நான் யார்? என்ற சிந்தனையின் வழியாக உண்மை உணர்ந்தால், எச்செயலிலும் அளவு, முறை வந்துவிடும். ஒழுக்கம், கடமை, ஈகை என்பது மலர்ந்துவிடும். பிறகு துன்பம் எழ வழி எங்கே?

தன்னை அறிய ஆர்வம் கொள்ளும், ஒவ்வொரு மனிதருக்கும், இயல்பாகவே, அதற்கான வழியையும், தகுந்த ஆசானையும் இயற்கையே அனுப்புகிறது. இது இயற்கை நீதியாக செயல்படுகிறது. அத்தகைய அன்பும், பேராற்றலும் கொண்டது இந்த இயற்கை என்ற உண்மையை புரிந்துகொள்ள வேண்டும் என்று இந்தக்கவிதை விளக்கம் அளிக்கிறது.

வாழ்க வளமுடன்

-----

Present by: