What's the reaction for?!

 எதிர்வினை எதற்கு?!

ஊண் உடம்பே ஆலயம் என்றார்

திருமூலர் உண்மை அது உண்மையே

உள்ளாக இருப்பது இறை என்றே

அறியாது தன்முனைப்பில் தான் நின்று

எதிரும் புதிருமாய் எதிர்வினை ஆற்ற

வந்தது துன்பம் நீண்டது பிறவிக்கடல்!

விளக்கம்:

இறை குடிகொண்டிருக்கும் இடமே ஆலயம் என்பது பொதுவானது. ஆனால் சித்தர் மகான் திருமூலர், 

உள்ளம் பெருங் கோயில்; ஊனுடம்பு ஆலயம்

வள்ளற் பிரானார்க்கு வாய் கோபுரவாசல்

தெள்ளத் தெளிந்தார்க்குச் சீவன் சிவலிங்கம்

கள்ளப் புலனைந்தும் காளா மணி விளக்கே! 

இந்த பாடலின் வழியாக, உள்ளத்தை கோவிலாகவும், ஊனுடம்பை ஆலயமாகவும் குறிப்பிடுகின்றார். மேலும் தெள்ளத் தெளிவாக இறை உணர்வு அடைந்தோர்க்கு, சீவன் சிவலிங்கம் என்ற உணர்வும் வரும் என்கிறார்.

ஆனால், இந்த உண்மைகளை அறியாது, தான் என்கிற தன்முனைப்பில் வளர்ந்து நின்று, இறையையும் நிந்தனை செய்து, இயற்கையும் பழித்து முரணான செயல்களினால், மனிதன் பெற்றது என்ன? வாழ்க்கை துன்பமும், நீண்ட பிறவிகளும் ஆகும் என்பதாக இந்தக்கவிதை, திருமூலர் கவிதையை மையப்படுத்தி உண்மை விளக்கம் தருகிறது.

வாழ்க வளமுடன்.

-----

Present by: