Why once in a hundred years?

 நூறாண்டுக்கு ஒருமுறை ஏன்?

மனிதனே மனிதனை சிதைத்தல் ஆண்டு

நூறுக்கு ஒருமுறை வரலாமென்றே வரலாறு

அதுபோலே மனிதனை உயர்த்த ஞானியும்

அப்போதே எழுவார் வாழ்வில் உண்மையே!

பிறரின் வாழ்வை கெடுத்து தன்நலம்புகழ்

விரும்பி மக்களை நாட்டை இயற்கையை

கெடுத்த எண்ணற்றோர் என்ன ஆனார்றறி!

கிடைத்த வாழ்வை இனிதே வாழ்ந்துதிரு!

விளக்கம்:

ஒவ்வொரு நூறு ஆண்டிலும், இந்த உலகம் ஒரு பிரச்சனையை சந்தித்துவருகிறது என்று, வரலாற்று ஆய்வாளார்கள் குறிப்பிடுகிறார்கள். தற்போது நம் வாழ்க்கை, உயிரை வாட்டி வதைக்கும் கரோனா (covid19) நோய்தொற்று பல்வேறு வடிவங்களில் உருமாறி வந்துகொண்டே இருக்கிறது. இதுபோலவே முன்பு நூறாண்டுக்கு முன் நோய்தொற்று வந்து மக்கள் மடிந்தார்கள் என்றும் ஆதாரத்துடன் சொல்லுகிறார்கள். அதுமட்டுமல்ல, இயற்கை சீற்றமான மழை வெள்ளம், சுனாமி, புயல், சூறாவளி, பூகம்பம், எரிமலை வெடித்தல் இப்படியான மாற்றங்களும் நூறாண்டுக்கு ஒரு முறை தன்மையை பெற்றிருக்கிறது.

இதனினும் முக்கியமாக, உலக மக்களின் இயல்பு வாழ்க்கையை, அமைதியை கெடுக்கும்படி மனிதனே மனிதனை தாக்கும்படியாக யுத்தம், இன, மத, நாடு அழித்தலை செய்கிறான். அதே நேரத்தில், அமைதி வேண்டியும், மக்கள் வாழ்க்கை தரத்தை உயர்த்தவும், பிறப்பின் உண்மை அறியவும், இறை என்பதை உணர்த்தவும் ஞானியர்கள் பிறப்பும் நடக்கிறது. இந்த நிகழ்ச்சிகளும் நூறாண்டுக்கு ஒருமுறை நடப்பதை வரலாற்று ஆய்வாளார்களால் உறுதி செய்யமுடிகிறது.

ஒவ்வொரு தனி மனிதனும், பிறரின் வாழ்வைக் கெடுத்து, தன்னுடைய நலம் கருதி, புகழ் வேண்டும் என விரும்பி, மக்களையும் நாட்டையும் சிதைத்து, இயற்கை வளங்களையும் அழித்து அச்சுறுத்திய, எத்தனையோ அரசர்கள், அரசியல் தலைவர்கள் வாழ்வு கடைசியில் என்ன ஆனது?! என்பதை சிந்தித்தால் உண்மை விளங்கும்.

எனவே, இயற்கையின் பரிணாமத்தால் கிடைத்த இந்த புவி வாழ்வை, அறிவிற் சிறந்த மனித வாழ்வை, இனிதே வாழ்ந்து அனுபவிக்கலாம் என்ற வாழ்வியல் உண்மையை இந்தக்கவிதை விளக்குகிறது.

வாழ்க வளமுடன்

-----

Present by: