Why is the sharing of KARMA in your life?

 இருவினை பகிர்தல் வாழ்வு ஏன்?

பிறவியின் நோக்கம் கடமை மறந்து

அடுத்து அடுத்தென வாரிசு என்றே

பெற்ற இருவினை பகிர்ந்தே வாழ

ஏதோ வாழ்ந்து மறைய விடிவில்லை!

சித்தர் சொன்ன இருவினை அகற்ற

தவமன்றி ஏதுதுணை? விரும்பி ஏற்று

ஆக்ஞை இயற்றிட விழிப்பு ஓங்கும்

நான்யார் என்பதின் பதிலும் கிடைக்கும்!

விளக்கம்:

இந்த உலகில் எல்லா உயிரினங்களும், இயல்பாக இயற்கையோடு இணைந்து வாழ்ந்து வருகின்றன. உயர்வான சிந்தனை அறிவு பெற்ற மனிதன், இயற்கையோடும், இயற்கையை மீறியும், தனக்கேற்றபடி மாற்றி அமைத்தும் வாழ்ந்து வருகிறான். ஆனால் நிம்மதியை தொலைத்து விட்டானே?! காரணம் என்ன?

பிறவியின் நோக்கமும், கடமையும் மறந்துவிட்டான். அதனோடு தன் வாரீசுகளையும் பெருக்கி விட்டான். தன் வாழ்வியல் உலக சொத்துக்களோடு, தன் வினைகளையும் (கர்மா) பகிர்ந்து கொண்டான். பழவினை, புகுவினை ஆக இரண்டின் சுமை அதிகமாகி விட்டது. ஏதோ உலகில் நிம்மதியற்று வாழ்ந்து மடிகிறான். 

சித்தர்கள்தான் இருவினை அகற்ற தவம் துணை என்ற உண்மையை தந்தார்கள். அவ்வழியில், யோகம் ஏற்று, தீட்சை பெற்று ஆக்ஞை தவம் இயற்றிட உடலுக்கும், மனதிற்கும், உயிருக்கும் விழிப்புணர்வு உண்டாகும், நான் யார்? என்ற கேள்விக்கான விடையும் கிடைத்திடும். இவ்வாறாக இந்தக்கவிதை உண்மை விளக்கம் அளிக்கிறது.

வாழ்க வளமுடன்.

-----

Present by: