How get happiness till the last day?!

 ஏது இன்பம் இறுதி நாள்வரை?!

பிறஉயிர்க்கும் நமக்கும் உள்ள தொடர்பில்

மூலம் ஒன்றாயினும் அறிவின் தரமுயர்வே

அதை யறிதாது விழிப்பின்றி விலங்கினம்

வாழ்வு போலவே கொலை பறித்துண்ணல்

வாழும் சுதந்திரம் பறித்தேதான் வாழ்கிறான்

ஏதுஇன்பம் இப்படியான வாழ்வில் நாள்வரை?

விழித்தே நலம்கொள்வீர் மனஇதம் அறீவீர்

குருவை துணைகொண்டு தவம் பயில்வீர்!

விளக்கம்:

“எனக்கு எதற்கு இறை விளக்கம்? நான் மனிதன், இதோ படைத்தவனை கோவிலுக்குச் சென்று வணங்கி வருகிறேன், போதுமே! வாழ்வில் நன்றாகவும் இருக்கிறேன், வாழ்க்கை என்றால் கஷ்டம், நஷ்டம் இருக்கத்தான் செய்யும். அதை தாங்கிகிட்டுத்தான் வாழனும். அதுக்குத்தான் இறைவனை துணையா நினைத்துக்கொள்கிறோமே போதாதா?” என்பதுதான் தனி மனிதனின் கேள்வி. எப்படியான அறியாமையில் இருக்கிறார்கள் இந்த மனிதர்கள் என்று வருத்தமே மேலிடுகிறது.

பிற உயிர்களின் பரிணாமத்தில், ஒன்றிலிருந்து ஒன்றாக மலர்ந்தவனே மனிதன், இதமான மனதைக் கொண்டவன். அந்த மனதில் இயற்கை ரகசியங்கள் எல்லாம் அறியும் தன்மை மறைந்திருக்கிறது. ஆனால் அந்த ஆறாவது அறிவை பயன் செய்யாமலேயே, அவனும் விலங்கினம் போலவே, மனிதருக்குள்ளாக கொலை, அவர்களிடமிருந்து பணம், பொருள், பறித்தல், பிறரின் வாழும் சுதந்திரத்தை பறித்தல் செய்துதான் வாழ்கிறான். இப்படியான வாழ்வில் அந்த மனிதனுக்கு எப்படி இன்பம் கிடைக்கும்? ஒருவரால் இருவருக்கும் வாழ்நாள்வரை பாதிப்பே.

இந்த உண்மையை சிந்தித்து, இதை விலக்கி நல்வாழ்வும், மாற்றமும் பெற, நான் மனிதன், இதமான மனதை கொண்டவன், சிந்தனையில் உயர்ந்தவம் என்று தன்னை திருத்தி, தகுந்த குருவை துணை கொண்டு, தீட்சை பெற்று தவம் பயிலவேண்டும். அந்த வழியில்தான் மனிதன் தன் உயர்வை அறிந்து, கடமை உணர்ந்து, நான் யார்? என்பதை தெளிந்து, இறை உண்மையும் பெற முடிவும். உலகில் இன்பமே நிறைந்து வாழ முடியும். இத்தகைய உண்மையை இந்தக்கவிதை விளக்கமாக சொல்லுகிறது.

வாழ்க வளமுடன்.

-----

Present by: