Let me tell you what i have learned!

 கற்றதை உங்களுக்கு சொல்லுகிறேன்!

என்ஆசான் வேதாத்திரி எனக்குச் சொன்ன

இறை உண்மை உங்களுக்கு சொல்லுகிறேன்

வற்றாயிருப்பு பேராற்றல் பேரரறிவு காலம்

என்றவளம் நான்கும் இணைந்த வெளியே

தெய்வமாம் அதையே அறிந்திட பிரம்மஞானம்

அடுத்தென்ன உனக்குள்ளே அறிவாக  இறையே!

இன்னுமென்ன தயக்கம் தொடர்ந்திடு தவமே!

துணையாய் இருக்கும் இக்காலம் போதுமே! 

விளக்கம்:

தவத்தில் நாம் பெறுவது என்ன என்ற கேள்விக்கு, இந்த பிறவியின் நோக்கம் என்னவோ அதை நிறைவேற்றுவதும், நான் யார்? என்ற கேள்விக்கு விடை அறிதலும், தெய்வம் என்பது என்ன? என்பதை உணர்வதும் ஆகும். நான் உணர்ந்து ஓதுதலுக்கு உதவிய, என் குரு வேதாத்திரி மகரிசி அவர்கள், எனக்கு சொல்லித் தந்ததை உங்களோடும் பகிர்ந்து கொள்கிறேன். 

எப்போதும் குறையாத வற்றாயிருப்பானது, எந்த ஆற்றலைவிடவும் உயர்வானது, மேன்மையான பேராற்றலானது, மிக துல்லியமான பேரரறிவானது, காலமாகவும் இயங்கிக்கொண்டிருப்பது என்ற நான்கு வளங்களை கொண்டது எதுவோ, அதுவே தெய்வம். அதனை தவத்தால் ஆழ்ந்து, நம் மனதை விரித்து நின்று அறிந்துகொண்டால் அதுவே பிரம்மஞானம் ஆகும்.

இந்த உண்மை உணர்ந்து கொண்டால் அடுத்தது என்ன? கடவுள் எனப்படுவது, கடந்து உள்ளே செல்ல “தெய்வமே” அறிவாகவே இருப்பதை தெரிந்து கொள்கிறோம். இந்த உண்மைக்குப் பிறகும் தவம் செய்வதை தவறவிடலாமா? எனவே இந்த வாழும் காலத்திற்குள்ளேயே இந்த உண்மை அறிய சிறந்தவழி தவமே, அதுவே துணையாக இருக்கும் என்று இந்தக்கவிதை “இறை” உண்மையை விளக்கமாக சொல்லுகிறது.

வாழ்க வளமுடன்

-----

Present by: