Remove the old-fashioned ignorance!

 பழங்கால மயக்கம் அகற்றுவீர்!

குண்டலினி தவமது குடும்பத் தார்க்கு

ஏற்றதன்று என்றே சொல்லி வந்ததின்

அர்த்தம், அக்கால கடினதவ முறையும்

ஆசாபாசம் விலகிட்ட கட்டாயமும் ஆகும்

கூடவே தவசக்தி கூடிட மனம்பிறழ்வார்

அதுவும் தனித்திட இன்று வழியுள்ளதே!

இக்காலம் மிகவும் எளியமுறை யாரறிவார்?

இன்னும் பழங்கால மயக்கம் கொள்வார்!

விளக்கம்:

“என்ன நீ, குண்டலினி தவம் கற்றுக்கொள்ளப் போகிறாயா? அதெல்லாம் குடும்பத்துக்கு ஆகாது” என்ற வார்த்தையை பெரும்பாலும் எல்லா அன்பர்களும் கேட்டிருப்பார்கள். காரணம் என்ன? அது ஒரு பழங்கதை. அந்தக்காலத்தில் கடினமான வாசியோக முறையில், மூச்சை சுழுமுனையில் நிறுத்தி, மூலாதாரத்தில் சூடேற்றி, குண்டலினி சக்தியை எழுப்பி ஓவ்வொரு ஆதாராமாக ஏற்றி ஏற்றி, ஆக்ஞை என்ற புருவமத்தி சக்கரத்திற்கு கொண்டு வருவார்கள். இதற்கு பன்னிரெண்டு ஆண்டுகள் ஆகும். இதற்கிடையில் மனம் திசைமாறிடாமல் இருக்க, மண், பெண், பொன் ஆசை கூடாது என்று சொல்லிவந்தார்கள். தடுமாற்றம் வந்தால், குண்டலினி உயராது, மேலும் வேறெங்கேயாவது தங்கிவிடும். பிறகு நிலைப்படுத்த கடினம்.

இந்தப்பழங்கதை இப்போது இல்லை, தொட்டுத்தரும் தீட்சையில், உடனடியாக மூலாதாரத்திலிருந்து ஆக்ஞைக்கு உயர்த்திவிடுவார் குரு. மேலும் அக்காலத்தில் தவசக்தி மீறிட்டால், அதை தாங்கமுடியாது மனம் கலங்கி அல்லல் படுவார்கள். இப்போது அந்த அதீத தவ சக்தியை, உடல் சக்தியை மாற்றிடவும் வழி உண்டு. இந்த மாற்றத்தையெல்லாம் அறியாமல், தெரிந்தும் கொள்ளாமல் மக்கள் இருக்கிறார்கள் என்ற விளக்கத்தை இக்கவிதை தருகிறது. 

வாழ்க வளமுடன்.

-----

Present by: