The meditation, human and mind waves!

மனிதனும் மனஅலைசுழலும் தவமும்!

சராசரி மனிதன் சூழல் மனஅலையோ

நொடிக்கு பதிநான்கு இருபது சுற்றுக்கள்

உணர்ச்சி மிகும் மனதின் அலைநீளமோ

தனைமறக்கும் இருபதொன்று நாற்பது!

தூக்கத்தில் அவனின் மனஅலை கூடிட

பதிமூன்று, ஆக்கினை தவத்திலும் அதே!

விழிப்பில் துரியம் நின்றிட அலைஎட்டாம்!

துரியம் கடந்து துரியாதீதம் விரிந்துபரவிட 

ஏழுநாலாம் இவ்வெல்லை அண்டம் முழுதும்!

எல்லாம் கடந்து பேரறிவாகிட மூன்றுஒன்றாம்!

விளக்கம்:

மனிதன், மனதை ஆதாரமாகக் கொண்டவன். மனம் இதனானவன். தன்னறிவின் ஆரம்ப நிலைவரை, தன் வாழ்வு முடியும் வரை, சிறுதும் பிசகாது, நிற்காது இயங்கிக் கொண்டே இருப்பது மனம். யோகத்தின் வழியாக, குருவின் உதவியோடு முதலின் நாம் நம்முடைய மனதையே அறிகிறோம். மனதை அடக்குவதால் நின்றிடாது என்பதை இங்கே நினைவுகூர்க.

அத்தகைய மனம் அதன் இயக்க அலைநீளங்களும், தவமும் இங்கே விளக்கப்படுகிறது. சராசரி மனிதன் தன் வாழ்வியல் சூழலில், அவனுடைய மனம் நொடிக்கு 14 முதல் 20 சுற்றுக்கள் (Beta) (Cps- Cycles per second) கொண்டதாக உள்ளது. உணர்ச்சி வசத்தால் தன்னிலை மறந்த நிலையில் 21 முதல் 40 சுற்றுக்களை (Gama)பெற்றிருக்கிறது. நல்லதூக்கத்தில் அவனின் மனம் 13 முதல் 8 சுற்றுக்களுக்கு (Alpha) அமைகிறது. ஆனால் ஆக்கினைத் தவத்தில், விழிப்பு நிலையில் இதே சுற்றுக்களை பெற முடிகிறது.  

அதே விழிப்பு நிலையோடு துரிய தவ நிலையில் 7 முதல் 4 வரை (Theta) அலை நீளம் கிடைக்கிறது. இதில் தொடங்கி துரியாதீதத்தில் அண்டம் வரை மனம் விரிந்து நின்றிட, 3 முதல் 1 வரையிலான (Delta) அலை நீளத்தில் மனம் விரிந்து, பேரறிவோடு, தன்னை கரைத்து கொண்டுவிடுகிறது. இத்தகைய மனம், அதன் அலை நீளம், தவம் ஆகிய உண்மைகளை இந்தக்கவிதை விளக்கமாக தருகிறது.

வாழ்க வளமுடன்

-----

Present by: