The truth is everywhere and anywhere!

மூலமே எங்கும் எதிலும் இருப்பாக!

துரியத்தின் மகிமையது வார்த்தையில் அடங்கா

துரியாதீத மகிமையோ மனமின்றி அடங்கிடும்!

எப்பொருள் எதனால் ஆனதோ அதன்மூலமாகிட

ஒன்றோடு ஒன்றாய் கலந்து நிறைந்திடுமுண்மை!

அதுவரை அப்பொருளுக்கு நிறைவு இல்லையறி!

பிறப்பின் உண்மை தெரிந்து தெளிந்திடும்வழி

துரியாதீத தவத்தில் ஓர்முழுமை அடைந்திடுமே!

மூலமே எங்கெதிலும் இருக்க அககாட்சியாகும்!

விளக்கம்:

குண்டலினி யோகத்தில் முழுமைதரும், துரிய தவத்தின் மகிமையை வார்த்தையால் சொல்லிட முடியாது, விளக்கம் தரவும் முடியாது. துரியாதீத தவத்தின் மகிமையோ அதனினும் மேலாக, வார்த்தைகளற்ற மௌனத்தில் அடங்கிட, அங்கே மனம், உணர்ச்சி கடந்த பரவச நிலை கிடைத்திடும். 

ஒரு பொருள் எதனால் ஆனதோ, அதன் மூலத்தோடு கலந்தால், தனிப்பொருளற்று அதுவும் மூலமாகிவிடும். மழை நீர், கடலாகிவிடுவது போல என்ற உதாரணம் கொள்ளலாம். இந்த வழியில், நாம் நம்முடைய பிறப்பின் மூலத்தை அறிந்து கொள்கிறோம். துரியாதீத தவத்தின் வழியாக, முழுமையை அடைகிறோம். அந்த உண்மை, உணர்ந்து தெளிவதின் பயனாக, மூலமே எங்கும் எதிலும், இருப்பாக, அறிவாக இருப்பது அகக்காட்சியாகும்.

வாழ்க வளமுடன்

-----

Present by: