The way the Thuriyathetha Meditation came!

 துரியாதீத தவம் வந்த வழி!

துரியத்தின் உச்சநிலை தவமே துரியஅதீதம்

இதையறிமுகம் செய்தவர் வேதாத்திரி ஆம்

துரியத்தில் ஆழ்ந்து கண்ட உண்மையதுவே

இன்னும் எளிதானது நம்இறை நாடும்வழியே

துரியத்திற்கு அப்பால் வேறேஏது தவமென்ற

கேள்விக்கு விடையாய் வந்ததே துரியாதீதம்!

மற்றெல் லோர்க்கும் தீட்சை இன்றிதானாய்

கிடைக்கும் மிகநீண்ட தவச்சாதனை வழியாய்!

விளக்கம்:

இறை உண்மை கண்ட சித்தர்களின் அந்தக்காலம் முதல் இந்தக்காலம் வரை, துரியமே உச்சநிலைத் தவம் ஆகும். ஆனால் வேதாத்திரியம் தந்த, வேதாத்திரி மகரிசி, தான் துரியத்தில் ஆழ்ந்து செல்லச்செல்ல, அறிவானது துரியம் தாண்டியும் விரிந்து சென்று நிலைப்பதை உள்முகமாக, அககாட்சியாக கண்டார். அந்த அனுபவங்களின் படி அமைத்த அடுத்த நிலை தவமே, துரியாதீதம். துரியத்தின் அதீத நிலைத்தவம் ஆகும். இத்தவம் வேதாத்திரிய அன்பர்களுக்கு மட்டுமே கிடைக்கும். 

இன்றும் மற்ற அமைப்புக்களில், துரியம் கடந்த தவம் இல்லை. அதற்கான சிந்தனையும் இல்லை. ஆனாலும், அவர்கள் துரியத்தில் பல்லாண்டுகாலம், ஆழ்ந்து சென்றால், அவரவர்களின் வினைப்பதிகளின் ஏற்பு நிலைக்கேற்ப “துரியாதீத” நிலை கிடைக்கும். அந்த நிலையை முன்னதாகவே தொட்டுக்காட்டும் நிலை, குருமகான் வேதாத்திரி மகரிசி அவர்கள் மட்டுமே வழங்கியுள்ளார். எனவே துரியத்திற்கு அப்பால் ஒருதவமும் இல்லை என்ற கருத்துக்கு பதிலாக, துரியாதீதம் வருகிறது என்ற உண்மையை, இந்தக்கவிதை விளக்கமாக சொல்லுகிறது.

வாழ்க வளமுடன்

-----

Present by: