What is the ideal age to learn penance?!

தவம் கற்க ஏற்ற வயது எது?!

தவம்கற்க வயதுஓர் தடையில்லை எனினும்

வயதுபதி நான்கு நிறைந்தாக வேண்டும்

அதற்கு முன்னம் அவர்கட்கு பக்திபோதும்

ஆண் பெண்திரு நங்கைபால் பேதமில்லை

வித்தின் வழியாக உடலெடுத்து வந்தநாம்

வித்துஅது மலர்ந்த நிலையில் தயாராவோம்

பதிநான்குக் குள்ளே தவம்கற்றல் வேண்டாம்

உடல்தாங்கா சக்திவந்தால் உயிரிழப்பு ஆகும்!

விளக்கம்:

தகுந்த குருவிடம் தீட்சை பெற்று தவம் கற்க, உலகோர் யாருக்கும் வயது தடையில்லை. ஆனாலும், பதிநான்கு வயது நிறைவடைந்த பிறகுதான் தீட்சை எடுத்துக்கொள்ள வேண்டும் என்பது கட்டாயமாக்கப்பட்டிருக்கிறது. ஏன் என்றால், வித்து முதிர்ச்சி அடைந்திருக்க வேண்டும். அதாவது ஆணுக்கு விந்துவும், பெண்ணுக்கு நாதம் என்றும் சொல்லப்படும் கரு உற்பத்திக்கான ஒரு திரவ சக்தி. வித்து முதிர்ச்சி அடையாவிட்டால், தவம் செய்யும் பொழுது உடல் சூடாகும், சக்தி இழப்பும், தாங்கமுடியாத நிலையும் வரும், அதனால் உயிரிழப்பு நேரிடும். இதனால் பதிநான்கு வயதுக்கு முன் அவர்களுக்கு பக்தி வழிபாடே போதுமானது.

மேலும், ஆண், பெண், பருவ வயதிற்குப் பிறகு இயற்கையாக ஆண் பெண்ணாகவும், பெண் ஆணாகவும் மாறிடும் திருநங்கைகள் என்ற பால் பேதங்களும் இல்லை. மனிதராக பிறந்த அனைவருமே, தவம் கற்றுக்கொள்ள தகுதி உடையவர்களே என்ற உண்மையை, இந்தக்கவிதை விளக்கமாக தருகிறது.

வாழ்க வளமுடன்

-----

Present by: