You will get it by Meditation!

 தவத்தினால் கிடைக்கும்!

தவம் வாழ்வில் தரும் முன்னேற்றம்,

கல்வியில் கவனம் ஆர்வம் வெற்றி

தொழிலில் நேர்மை உண்மை உயர்வு

வேலையில் சிறப்பு விரைவு வளர்ச்சி

வாழ்க்கை துணையிடம் அன்பு நட்பு

குடும்பத்தில் நலம் சுகம்கூட ஆதரவு

நண்பரோடு பண்பு பலம் மலர்ச்சி

சமூகத்தில் மதிப்பு இவை கூடிடுமே!

விளக்கம்:

யோகத்திற்கு வந்தால், வாழ்க்கை வெறுத்துவிடும் என்பது பெரும்பாலான மக்களின் கருத்து. இருப்பதை விட்டுவிட்டு ஏன் காட்டுக்கு போகவேண்டும் என்றுதான் இன்னமும் அறியாமையில் இருக்கிறார்கள். சுகமாக வாழ முடியாது, இன்பங்களை அனுபவிக்க முடியாது, திருமணம் செய்ய முடியாது என்று வரிசையாக பட்டியல் வைத்திருப்பார்கள். ஆனால் காலம் எவ்வளோ மாறிவிட்டதை அறியாது இருக்கிறார்கள்.

யோகத்தில் இணைந்து, குருவிடம் தீட்சை பெற்று, தவம் கற்றால் கிடைக்கும் முன்னேற்றங்கள் என்னென்ன தெரியுமா? 

தவம் ஒரு தவசாதகரின் மனதை உயர்த்துவதால், அத்தவம், மாணவர்களுக்கும், படிப்பவர்களுக்கும் உதவும். தொழில் செய்து வாழ்வோருக்கு உதவும், அரசு, தனியார் துறை வேலைகளில் இருப்போருக்கும் உதவிடும். தங்கள் வாழ்க்கைத் துணைவரோடு வாழும் வாழ்விற்கு உதவிடும். பெற்றோர், உடன்பிறந்தோர், உறவினர்கள் இவர்களோடு இனிய வாழ்விற்கு துணை நிற்கும், நண்பர்களோடு நல்ல உயர்வை தரும். வாழும் சமூகத்தில் மதிப்பு கூடிடும். இதெல்லாம் கேட்டுப் பெறாமல், தானாக நடந்தேறிடும் என்பதே உண்மை. இவ்வாறாக தவத்தினால் கிடைக்கும் நன்மைகள் குறித்து இந்தக்கவிதை விளக்கம் அளிக்கிறது.

வாழ்க வளமுடன்.

-----

Present by: