Change the quality of human life!

 மனிதவாழ்க்கைத் தரமாற்றும் மனம்!

மனிதர்களின் வாழ்வின் வளம்சிறப்பு எல்லாமே

மனதினால் கண்டஅனுபவ பதிவுகளின் வளர்ச்சி!

இதுஇதனால் இப்படிஏன் மாற்றமென்ன என்பதின்

சிந்தனையே மனிதனின் வாழ்க்கைதரம் உயர்ந்தது!

தனிமனிதனின் சிந்தனை மனதாலே எல்லோர்க்கும்

இயற்கையாக பரந்துவிரியும் இதுதெய்வீக நிகழ்வாம்!

நினைப்போர்க்கும் நினைவில் நின்றோர்க்கும் இடையே

மனமேஓர் அற்புதஅரூப பாலமாம் ஓரேஅலையாகிடும்!

விளக்கம்:

மனிதனுடைய சிறப்பு என்று கேட்டால் உடனே எல்லோருமே “சிந்தனை” என்று சொல்லிவிடுவார்கள். இந்த சிந்தனையின் சாரம் அல்லது ஆதாரமாக இருப்பது, மனதில் ஏற்பட்ட அனுபவங்களே ஆகும். ஒரு மனிதன், ஓவ்வொரு நாளும் தான் பெற்ற கால சூழ்னிலைகளின் படி நடந்த நிகழ்வுகளை, மனதில் ஏற்பட்ட பதிவுகளை மீண்டும் நினைவிற்கு கொண்டுவருவதின் மூலமாக, திருத்தமும் செய்ய முயற்சிக்கிறான். இது அவனின் வாழ்வின் வளத்தை சிறப்பாக்குகிறது.

இது நடந்தது எப்படி? எதனால்? இப்படி நடந்தால் என்ன ஆகும்? ஏன்? என்ற கேள்விகளால் பிரித்து அறியும் பொழுது, சிந்தனை உயர்ந்து மனிதனின் வாழ்க்கைத் தரமும் உயர்கிறது. முக்கியமாக, ஒரு தனி மனிதனின் சிந்தனை, அவனின் மனதால் விரியும் பொழுது, உலகில் உள்ள எல்லா மனிதரின் மனதிற்கும் அதுபோய் சேருகிறது. காலத்தால் அது செயலுக்கும் வருகிறது. இது இயற்கையாக பரந்து விரிந்து சேர்ந்திடும் தெய்வீக நிகழ்வு ஆகும்!

மேலும் இரண்டு பேரில் ஒருவர், அவரை நினைக்கும் பொழுது, அவருக்கும் இவருக்கும் பாலமாகவே மனம் அமைகிறது. கூடவே இருவருக்கும் ஒரு பொது தன்மைகூட உருவாகும் வாய்ப்பு கிடைக்கிறது என்ற உண்மையை இந்தக்கவிதை விளக்கமாக்கித் தருகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: