Man and mind are a natural wonder!

 மனிதனும் மனமும் இயற்கை அதிசயம்!

எவருக்கு இறையோ எவருக்கு இயற்கையோ

தன்னை அறியும் ஆர்வமது நிறைபெற்றிடும்

நிலை எதுவோ அதுவே மனிதனும்மனமுமாம்!

இறைதுகளாகி அணுவாகி ஐம்பூதமாகி மேலும்

ஓருயிராகி ஐயறிவாகி நின்றிடாத இயல்பூக்கம்

ஆறறவில் மனிதனாகி மனதில் தனைக்கண்டது!

மனமென்ற ஒன்றின் மூலமேதான் மனிதனின்

வாழ்வும் முழுமை பெறுமது இயற்கையதிசயம்!

விளக்கம்:

மனம் எப்படி வந்தது? பிற உயிர்களுக்கு இல்லையா? அது ஏன் மனிதனுக்கு மட்டும் இருக்கிறது? இந்த கேள்விக்கு விடையாக வருவதே இந்தக்கவிதை ஆகும். தன்னை விட உயர்ந்த சக்தியை, ஆற்றலை சிலர் இறை என்கிறார்கள். சிலர் அது இயற்கை என்கிறார்கள். இதில் குறையேதும் இல்லை. அவரவர்களுக்கு ஏற்றவகையில் கொண்டாடுவது ஏற்றுக்கொள்ளத் தக்கதே. அப்படியான இறை, இயற்கை தன் ஆற்றலின் முழுமையை உணர, தன்னையே அறிந்திட ஆர்வம் கொண்டு, இயல்பூக்கமாக மலர்ந்தது. தன்மாற்றம் அடைந்தது. அது நிறைவு பெற்ற நிலைதான் மனிதனும் அவனில் மனமும் ஆகும்.

தன்னிறுக்க சூழ்ந்தழுத்தும் ஆற்றல் கொண்ட, சுத்தவெளி தன் ஆற்றலினாலேயே துகள்களாகி, அத்துகள்கள் பலகோடி இணைந்து அணுக்களாகி மூலக்கூறுகளாகின. அதன் வழியாகவே விண், காற்று, வெப்பம், நீர், மண் ஆகிய ஐந்து பௌதீக தோற்றங்களாக மாறின. இவற்றுக்குள் ஏற்பட்ட இயல்பூக்கம், ஓர் உயிராக, தாவரமாகி, ஐயறிவு பறவை, விலங்குகளாக மாறி, இந்தப்பயணத்தை தொடர்ந்து, ஆறாவது அறிவான மனிதனாகி, அவனுக்குள் மனதாகி தன்னைக் கண்டு முழுமை பெற்றது.

மனம் என்ற ஒன்றின் மூலமாகவே மனிதனின் வாழ்வு முழுமைபெறும் என்பதே இயற்கையின் அதிசயம் ஆகும் என்ற உண்மை அறியாத மனிதன்,   தன்னை யோகத்தில் இணைத்து கொண்டு முழுமைபெற வேண்டும் என்று இந்தக்கவிதை விளக்கம் தருகிறது. 

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: