The child and god are one and the same!

 குழந்தையும் தெய்வமும் ஒன்றே!

பிறப்பில் மனம் உண்டாஎன்றால் இல்லை

அதிசயம் இதையெப்படி அறிய என்றால்

நினைத்துப் பாரீர் உன்ஞாபகம் அடுக்கில்

வயது முன்றுக்கு முன்னேதும் இல்லையே!

மனம்கட்டி பதிவுஎல்லாம் அதற்குப் பின்பே!

விருப்பும் வெறுப்பும் வந்ததும் அப்போதே!

அதற்குமுன் குழந்தை இருந்தது இயல்பாய்

மனமின்றி அகண்டாகார அறிவாய் ஆற்றலாய்!

விளக்கம்:

மனம், மனிதனாக பிறந்தபொழுதே ஒட்டிக்கொண்டு பிறப்பதாகவே பலர், உலக தத்துவ ஞானிகளும் கூட எண்ணுகிறார்கள். ஆனால் உண்மை என்ன தெரியுமா? மனிதன் பிறக்கும் பொழுது அங்கே மனம் இல்லை. இதென்ன அதிசயமாக சொல்லுகிறீர்களே? என்றால் அதை அறிந்துகொள்ள வழி உண்டு. எப்படி என்றால்?! உங்கள் வாழ்க்கையை சற்று பின்னோக்கி நினைவு படுத்திப்பாருங்கள். உங்களுடை மூன்று வயதிற்கு முன்னே நடந்த நிகழ்ச்சிகளை, உங்களால் இப்பொழுது சொல்ல முடிகிறதா? நிச்சயமாக இல்லை என்பதே பதிலாக இருக்கும். என்னதான் முயன்றாலும்கூட, மூன்று வயதிற்குப் பிறகான நினைவுகளே அங்கே மலரும்.

பொதுவாகவே, இயற்கையில் மனிதன் பிறப்பிலிருந்து, மூன்றுவயதில்தான், மனம் என்ற மறை பொருள் கட்டப்படுகிறது. அதற்குப்பிறகுதான் மனதில் அன்றாட நிகழ்வுகள், விருப்பு, வெறுப்பு ஆகியன அனைத்தும் பதிகிறது. யார் பதிப்புவேலையை செய்வது? சிந்தியுங்கள். அந்த பதிவுகளின் எடுத்துக்காட்டே மனசாட்சி என்றும் சொல்லுவார்கள்.

சரி, இப்பொழுது மனம் மூன்று வயதிற்கு முன் இல்லை என்றால் எப்படி அந்தக்குழந்தையின் இயக்கம் நிகழ்கிறது என்று கேள்வி வரும் அல்லவா? அதற்கும் விடை இருக்கிறது. மனம் இல்லாத இடத்தில் அறிவே அங்கே செயல்படுகிறது. அதாவது எங்கும் நிரப்பி இருக்கின்ற பேரறிவும், பேராற்றலும் இயல்பாக இயக்கமாகிறது. இதனால்தான், குழந்தையும் (மூன்றுவயதிற்கு முன்பான) தெய்வமும் ஒன்று என்று சொன்னார்கள். இத்தகைய உண்மையை இந்தக்கவிதை விளக்கமாக தருகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: