The organs of the mind's pleasures and sorrows!

 மனதின் இன்பதுன்ப உணர்வு கருவிகள்!

உன்பிறப்புக்கும் வாழ்வுக்கும் இறப்பிற்கும் மூலமான

ஆற்றலை அறிவை இறையென்று சொல்ல தயக்கமேன்?

இறையின் தன்மாற்றமே விண்முதல்மண் ஐம்பூதமாம்!

இவ்வைந்தில் மனம்உணரும் தன்மையே ஐவகைஎழுச்சி!

அவைஅழுத்தம் ஒலிஒளி சுவைமணம் ஆகியனவாகும்!

இவ்வுலகில் மனிதருக்கு இதைதவிர இன்பதுன்பமேது?

உணர்வதோடு கூடவேபத்து படிநிலைகள் அதற்குண்டு!

இவ்வைந்து கழித்துணர்ந்திட தன்னையே தான்உணரும்!

விளக்கம்:

இறை, கடவுள் என்பதை நம்பாத, ஏற்காத மக்கள் நிரம்பியிருக்கிற இந்தக்காலத்தில், இறை என்று சொல்லுவது “ஏற்பில்லாத” சொல்லாக தெரியும். ஒருவன் பிறப்பு எப்படி, ஏன், எதற்காக என்பதற்கு பதிலில்லை. வாழ்க்கை எதற்கு என்பதும் தெரியாது, இறப்பு ஏன், இறந்தபிறகு நீ என்ன ஆனாய்? இதற்கும் பதிலில்லை. கேட்டால் விஞ்ஞானம் (Science) பதில் தரும் என்பார். அதுவே பதில் தர மழுப்புகிறது. நாளை இருப்பாயா? இறப்பாயா? என்றால் நீங்கள் பதில் தரமுடியுமா? அத்தகைய ஆக்கி, காத்து, மறைக்கும் பேராற்றலை கடவுள், இறை என்று சொல்வதில் தவறென்ன?

பேராற்றலான இறையின், தன்மாற்றமே (Transformation)விண், காற்று, வெப்பம், நீர், மண் ஆகிய ஐந்து பௌதீக தோற்றங்கள் ஆகும். இந்த தோற்றங்கள் வழியாக மனமானது உணர்வதே, அழுத்தம், ஒலி, ஒளி, சுவை, மணம் ஆகிய ஐந்து தன்மாற்ற நிகழ்ச்சியாகும். ஒரு மனிதனுக்கு, இந்த ஐந்து உணர்வுகளைக் கொண்ட இன்ப துன்பங்களைத்தவிர வேறேதும் இல்லை. இதற்கு தோல், காது, கண், மூக்கு, நாக்கு என்ற ஐந்து கருவிகள் துணையாக இருக்கிறது.

சுவைஒளி ஊறுஓசை நாற்றமென ஐந்தின்
வகைதெரிவான் கட்டே உலகு.

என்ற திருக்குறளின் உண்மைபடி, ஐந்து புலன்களின் வழியாக, மனம் உணரும் ஐந்து உணர்வுகளை நிறுத்தி, விலக்கி நின்றால் மட்டுமே மனம், ஆறாவது உணர்வாக தன்னை உணர்ந்து கொள்ளும் என்ற உண்மையையே குருமகான் வேதாத்திரி மகரிசி அவர்களும் வலியுறுத்துகிறார். எனவே இந்தக்கவிதை வழியாக, மனம், அதன் உணர் கருவிகள், தன் ஆறாவது அறிவு என்ற விளக்கங்களை பெறுகிறோம்.

வாழ்க வளமுடன்.

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: