the truth of mind is unexplained?

விளக்கமுடியா உண்மையா மனம்!?

மனமென்ற உண்மையை யோகத்தின் வழியே

சித்தர்கள் நான்காம்படி நிலையில் கண்டனர்

ஒன்றான சிவமிரண்டான சக்தி மூன்றுகணபதி

நான்காக காந்தனே மனமென்று இவ்லகுக்கு

அறிமுகம் செய்தனர் பாமரர்க்கு தெய்வமாய்!

காந்தன் கந்தனாகி மருவுரு முருகனாகிவிட்டது!

அன்றைய காலம் விளக்கிச் சொல்லிடமுடியா

காந்தத் தத்துவமின்று வேதாத்திரியே தீர்த்தார்!

விளக்கம்:

மனம் என்றால் என்ன என்பதை, மகான்கள், ஞானியர்கள், நாயன்மார்கள், ஆழ்வார்கள் சொல்லி வைத்தாலும்கூட, மனம் எங்கிருந்து தொடங்குகிறது என்பதை சித்தர்கள்தான் தங்களின் யோக சாதனையால் கண்டுபிடித்தார்கள். ஆனால் தத்துவம், பக்தி மார்க்கமாக மாறிவிட்டபடியால், உண்மை மறைக்கப்பட்டு விட்டது. மேலும் மனதை மிகச்சரியாக விளக்கிட, உதாரணப்பொருள் இல்லாமையால் “மனம்” கிடப்பில் போடப்பட்டுவிட்டது. 

மேலும் அக்காலத்தில் மொழிவழக்கில், பாமரருக்கும் புரியம்படியாக, எங்கும் முழுமையாய், வெட்டவெளியாக இருப்பதே சிவம் என்றும், இயங்கினால் சிவபாகமாக சக்தி என்றும், அந்த சிவசக்தியின் வெளிப்பாடே விண்,காற்று,வெப்பம்,நீர், மண் எனும் ஐம்பூதம், அதைவிளக்க, கணபதி (பிள்ளையார்) என்ற நிலையில் தந்தனர். அதனோடு நின்றிடாமல் மேலும் சித்தர்களின் ஆராய்ச்சியில் முடிவாக, அழுத்தம், ஒலி, ஒளி, சுவை, மணம் இவை ஐந்தையும் அறியக்கூடிய மனம் என்பதையும் கண்டு, அதைக் காந்தன், மருவு, (மறைந்திருக்கும் ஒன்று) கணபதியின் சகோதரன் என்று அறியத்தந்தனர். 

ஆனால் காலப்போக்கில் காந்தன், கந்தனாகி, மருவுரு (மறைபொருள்) முருகனாக மாறி, மெய்ஞான விளக்கம், பக்தியில் நின்றுவிட்டது. மக்களுக்கும் இறையும் பக்தியும் போதும் என்ற நிலைக்கு வந்துவிட்டனர். ஆனால் இறையே உண்மையை உணர்த்த தகுந்த ஞானியர்களை பிறக்கவைப்பது போல, பரஞ்சோதி மகானும், வேதாத்திரி மகரிசியும் வந்தனர். தன் ஆராய்ச்சியில் உயர்ந்த, வேதாத்திரி மகரிசி மனம் என்பதை, நவீன காலத்திற்கேற்றபடி, சித்தர்களின் வழியே மீண்டும் “காந்தமாகவே” விளக்கிச் சொன்னார் என்பதாக இந்தக்கவிதை விளக்கம் தருகிறது.

வாழ்க வளமுடன்.

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: