There is no problem with the mind!

 மனம் என்பதில் சிக்கல் ஏதுமில்லை!

மனதிற்கு அர்த்தங்கள் தந்தார்கள் அத்தனையும்

தெளிவுதராது மேலும் இருப்பதை குழப்பிடும்!

காரணம் நேரடியாய் மனமென்பதை சித்தர்கள்

உணர்ந்தார் சொன்னார், பலவழி கருத்துசிதைந்து

கிடைத்தது சிக்கலாய், சொன்னோர்க்கு ஏற்ப

கேட்போரும் உயர்ந்தாலே உண்மை புரிந்திடும்!

மனமோ பெரும்மெய்ப் பொருளின் இயக்கவேகம்

ஆற்றல் கொண்டதாம் அதையறிந்தால் இறையே!

விளக்கம்:

சிறுவயது முதலே மனம் குறித்தான விளக்கங்கள் ஒருவருக்கு கிடைத்துவிடும், ஆனால் அத்தனையும் தெளிவில்லாத கருத்துக்கள்தாம். தத்துவ அறிஞரும், பெரியோரும், சாமியாரும், முனிவரும், சில யோகியரும் கூட தெளிவாக சொல்லாது, கொஞ்சம் புரிந்ததையும் குழப்பிவிடுவார்கள். இதன் காரணம் என்ன?

சித்தர்கள் யோகத்தின் வழியாக, உண்மை உணர்ந்து மனம் இறைவனின் வாகனமாகவும் கண்டார்கள். அவர்கள் சொன்ன உண்மையும், உருவகமும், பின்னாளில் பலவாறாக மருவிவிட்டது. மேலும், உண்மை உணர்ந்த ஒருவர் சொல்லும் பொழுது, கேட்பவரும் அந்த நிலையில் இருந்து கேட்கவேண்டும். இந்த ஒத்திசைவு இல்லை என்றால் கேட்கப்பட்ட விசயம், பலவாறக திரிந்துவிடும். இதுதான் மனம் என்ற விளக்கத்தில் குழப்பத்திற்கு காரணமாகும்.

குருமகான் வேதாத்திரி மனம் குறித்த அறிய கருத்துக்களில் ஒன்றாக சொல்லும்பொழுது. மெய்ப்பொருளின் அசைவுதான் மனம் என்கிறார். மேலும் அம்மெய்ப்பொருளின் இயக்கவேகம், இயக்க ஆற்றல் மனதிலும் இருக்கிறது. மனதில் உள்ள, இந்த உண்மையை உணர்ந்தால், மெய்ப்பொருளான இறையை உணர்ந்து கொள்ளலாம் என்பதாக இந்தக்கவிதை விளக்கம் தருகிறது.

வாழ்க வளமுடன்.

-----  

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: