All human mind connected with universal mind!

 வெளிமனதால் மனமொத்த மனிதர்கள்!

உலகில்வாழும் ஓவ்வொரு மனிதருக்கும் மனமுண்டு

ஆனாலும் ஒரேஅலைசுழலில் இருவர் இருப்பதேயில்லை!

தாய்பிள்ளை வாழ்க்கைத்துணை ஆனாலும் அப்படியே!

தொப்புள்கொடி துண்டித்தபின் எல்லாம் தனித்தனியே

ஆனதுபோலவே மனஇயக்கமும் சிந்தனையும் அவ்வாறே!

எப்போதேனும் சிலநொடி ஒன்றிடும் எனினும்நிலைக்கா!

ஆனாலும் உடல்கடந்த வெளிமனதால் ஒன்றானதறிவீர்!

இதனால்தான் உலகமக்கள் தேவையெல்லாம் ஒன்றாக

எல்லோருக்கும் ஏதோஒர்வழி கிடைக்கின்ற உண்மையாம்!

இதுவே விஞ்ஞானம் குறிப்பிடும் நான்காம்மனநிலை!

விளக்கம்:

மனிதனின் மனதை, விஞ்ஞானத்தில் conscious mind, sub-conscious mind, super conscious mind என்ற மூன்றாக பிரித்திருக்கிறார்கள், தமிழில் மனம், உள்மனம், அடிமனம் அல்லது ஆழ்மனம் என்று சொல்லப்படும். நான்காவதாகவும் ஒரு மனம் உண்டு. அது universal consciousness, பிரபஞ்ச மனம் ஆகும். அதுகுறித்து மேலும் அறிவோம்.

உலகில் வாழும் எல்லா மனிதருக்குமே மனம் உண்டுதான், ஆனாலும் ஒரே அலைச்சுழலில் ஒருவரைப்போல ஒருவர் இருப்பதில்லை. அது தாய் பிள்ளை ஆனாலும், வாழக்கைத் துணை ஆனாலும் கூட. வேண்டுமானால் ஈருடல் ஓர் மனம் என்று சொல்லிக் கொள்ளலாம் அழகாக இருக்கும். எப்படி தொப்புள்கொடி வெட்டியபின், மூச்சு, உணர்வு, உடல் தேவை எல்லாம் தனித்தனி ஆகிவிடுவது போல, மன இயக்கமும், சிந்தனையும், எழும் எண்ணங்களும் தனி ஆகிவிடுகிறது. யாரேனும் இருவருக்கு, எப்போதாவது சில நொடி, ஒற்றுமை காணப்படலாம் எனினும் நிலைக்காது.

ஆனால், எல்லோருடைய மனமும், உடல்கடந்த பிரபஞ்ச மனதால் இணைக்கப்பட்டிருக்கிறது. இதன் காரணமாகவே, எங்கோ ஆரம்பித்த ஒரு உணர்வு, ஆராய்ச்சி, சிந்தனை, எண்ணம் தொடர்ச்சியாக மற்றவர்களை பற்றிக்கொள்கிறது. உலக மக்கள் தேவையெல்லாம் ஒன்றாக எல்லோருக்கும் கிடைக்க வழிபிறக்கிறது. ஒருவரை நினைத்தால் எங்கோ இருக்கிற அவருக்கும் அந்நினைவு எழுவது கூட அப்படித்தான். நாம் ஒரு நொடி கூட இந்த பிரபஞ்ச மனதை விட்டு விலகிவிடுவது இல்லை என்பதையும் உணர்ந்துகொள்ள வேண்டும். இவ்வாற மனித மனம், பிரபஞ்ச மனம் குறித்து இந்தக்கவிதை விளக்கம் அளிக்கிறது.

வாழ்க வளமுடன்!

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: