Can the conscience burn like fire inside you?

மனசாட்சி தீயாய் உறுத்தவிடலாமா?

எவ்வெண்ணம் எண்ணினாலும் எச்செயல் செய்தாலும்

சாட்சிபாவமாக அதனைமனமே பதிந்து திருப்பித்தரும்!

இதைத்தான் நீஎண்ணினாய் நீசெய்தாய் என்றுகாட்டும்!

தப்பிக்கவழியேது மனசாட்சி என்பதுவும் இதுவேதான்

உண்மைமறைக்க வழியேது மனமுமுடலும் வெளிகாட்டும்!

பொய்யாய் நடித்தால் உள்ளொளிதீயாகி உடலுயிர்கெடும்

என்றால் வள்ளுவரும் திருத்திடவழி சொன்னார்வேதாத்திரி!

அகத்தாய்வு செய்துமனம்விரித்து செய்தத் தவறையேற்று

திருத்திடவழி செய்துமன்னிப்பும் கேட்டுக் கொண்டால்

பெற்றவினை பதிவிலேகழிந்து மனமும் அமைதிஉண்டாம்!

விளக்கம்:

மனமே மனசாட்சியாகவும் நிற்கிறது. எப்படி? எந்த ஒரு எண்ணத்தை எண்ணினாலும், எந்த ஒரு செயலை நாம் செய்தாலும், யாருமே இல்லாத அந்த இடத்திலும், சாட்சிபாவமாக மனமே அதை பதிந்து கொண்டுவிடும். பிறகு அதை நீ இப்படி நினைத்தாய், பிறகு நீ இப்படிச்செய்தாய், இந்த விளைவு எழுந்தது என்று நமக்கே திருப்பிக்காட்டும். அதை நாம் ஒருபோதும் திருத்தவோ, அழிக்கவோ முடியாது என்பதும் உறுதி. இதுதான் நம் மனசாட்சி என்று சொல்லப்படுகிறது. 

இதையெல்லாம் நானா செய்தேன்? நான் செய்யவில்லை என்று சொன்னாலும் கூட,  உண்மை மறைக்க வழி இல்லாது மனமும், உடலும் வெளிக்காட்டிவிடும். மேலும் பொய்யாக தவறை மறைத்து நடித்தால், உண்மை உள்ளொளி, தீயாக மாறி உடலையும், உயிரையும் கெடுக்கும், பின்னாளில் நோயாக மாறிடும். இதை திருவள்ளுவரும் தன்குறட்பாக்களில் சொல்லியுள்ளார்.

இதற்கு திருத்திட வழி உண்டா? ஆம் அதை, குரு மகான் வேதாத்திரி நமக்கு வழங்கியுள்ளார். துரிய தவம் ஆற்றி, அந்த அமைதியில், அகத்தாய்வு செய்து, மனதை விரித்து, ஆம், நான் தவறு செய்துவிட்டேன், என்னால் தான் இந்த துன்பம் எழுந்தது. இனி அப்படி செய்யமாட்டேன். நிகழ்ந்த தவறுக்கு மன்னிப்பு கேட்டுகொள்கிறேன். துன்பப்பட்டோர்க்கு உதவி செய்கிறேன் என்று செயல்படுத்த தயாரானால், பெற்றவினைப்பதிவிலே அது மேல்பதிவாக பதிந்து, மனதை அமைதிபடுத்தி, வாழ்வையும் வளமாக்கும், என்ற உண்மையை இந்தக்கவிதை விளக்கமாக நமக்குத் தருகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: