Devotional worship is enough for the common man!

 பக்தி வழிபாடு பாமரர்க்கு போதும்!

மனமேதான் மனசாட்சியும் ஆன்மாவும் என்றஉண்மையும்

மனதின்நிலை பொருளாக அடித்தளமாக இறையேஎன்ற

உண்மையும் சித்தாந்தவழியே குருவால் உணர்ந்தறியலாம்!

ஏதுவேறுவழி, எவ்வழியும் தூரத்தேநின்று பார்க்கும்காட்சியே!

பக்தியால் படைப்புத்தத்துவத்தால் நம்பிக்கையால் பயத்தால்

இறையை தள்ளிநிறுத்தி வழிபாடுசடங்கு இவைபாமரர்க்கே!

எல்லோர்க்கும் மனவழியே இறையுணர்தல் எளிதுதானென்றாலும்

யாருக்கும் கட்டாயமில்லை அவரவர் வினையேமுடிவுசெய்யும்!

விளக்கம்:

இந்த உலகில் பிறக்கும் எல்லா மனிதர்களுக்கும், பிறவிக்கடமையே இறை உணர்தல் என்பதே! ஆனால் எல்லோருக்கும் அந்த கடமை தீர்கிறதா? இல்லையே! மனிதனின் மனமேதான், மனசாட்சியாகவும், ஆன்மாவாகவும் இருக்கிறது என்ற உண்மைத் தெளிவும், அதே மனதின் நிலை பொருளாக, அடித்தளமாக இறையே இருக்கிறது என்ற மகத்தான உண்மையும், தகுந்த குருவால் மட்டுமே உணர்ந்திட முடியும். அந்த குரு சித்தாந்தம் வழியே உண்மை அறிந்தவராக இருந்தால்மட்டுமே இது நிகழும். 

வேதாந்தம் வழியே வந்த குரு குறைவில்லை என்றாலும், இவ்வுண்மை அறிய வாய்ப்பில்லை. சித்தாந்தம் அல்லாத வேறு எந்த வழியாலும் இறை உணர முயற்சித்தால், அது தூரத்தில் நின்று, பார்ப்பது போலான காட்சி ஆகும். பக்தியாலும், இறைவன் படைத்தான் எனும் படைப்பு தத்துவத்தாலும், நம்பிக்கையாலும், இறை பயத்தாலும், அந்த இறையை, நாம் நெருங்க முடியாத தூரத்தில் வைத்துவிட்டு, வழிபாடு, சடங்கு, துதிகளால் போற்றி வணங்குவது பாமரருக்கே ஆகும்.

மேலும் மனதைக் கொண்டு சித்தாந்த யோகத்தால், இறை உணர்தல் எளிதுதான் என்றாலும்கூட, யாருக்கும் கட்டாயமில்லை. உண்மையில் அந்த வாய்ப்பை அவரவர் கர்மா என்ற வினைப்பதிவுகளே முடிவுசெய்யும். இவ்வான விளக்கங்களை இந்தக்கவிதை நமக்குத் தருகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: