Realization the God with the help of the mind!

 மனதின் துணையால் இறை விளக்கம்!

வாழ்வின் உண்மையும் தன்பிறப்பின் மகத்துவமும்

இறையின் விளக்கமும் பெறுவதற்கு மனமேகருவி

முன்னமாராய்ந்து உண்மைகண்ட சித்தர் மகான்கள்

கண்டதை பதிந்து அவ்வுருமேடுத்து மாறினிற்கும்

மனதின்சக்தி கண்டார்கள் எளிதிலதை உணர்த்திடவே

சிறுவர்கட்கு சிலைவணக்கமும் பெரியோர்க்கு யோகம்

தவம் உடல்காத்திட பயிற்சியும் தந்துவழி நடத்திடசிலர்.

தடுத்துப்பொருள் பறிக்க மனமும்இறையும் பக்தியானது!

விளக்கம்:

உலகில் பிறந்த எல்லா மனிதர்களுக்கும், தான் வாழ்வது மட்டுமில்லாது, தன்னையும், இந்த இயர்கையையும், இறை என்பதையும் அறிந்துகொள்வது கடமை ஆகிறது. எனவே வாழ்வின் உண்மையையும், மனிதனாக பிறந்ததின் மகத்துவத்தையும், இறையில் விளக்கமும் பெறுவதற்கு, அவனுடைய மனமே ஒரு கருவியாக இருக்கிறது. இத்தகை மனதின் சிறப்பை உணர்ந்த சித்தர் மகான்கள், அதை எல்லோரும் பெற்று, உண்மை அறிய விருப்பம் கொண்டு பாதை வகுத்து கொடுத்தார்கள்.

மனிதனின் மனம், தான் பார்த்த காட்சியை பதிந்து, அக்காட்சியாக, பொருளாக தானே உருமாறுவதை அறிந்தார்கள். அந்த மனதின் சக்தியைக் கொண்டு எளிதாக எல்லோருக்கும், இறை என்பதை உணர்த்த வழி தந்தார்கள். அதன்படி, சிறுவர்களுக்கு சிலை வணக்கமும், பருவம் வந்தோர்க்கும், பெரியவர்களுக்கும் யோகமும், தவமும், அதற்கு தக்கபடி உடலை காத்துக்கொள்ள உடற்பயிற்சியும் தந்தார்கள். ஆனால் காலப்போக்கில், சில குறுமதி படைத்தவர்கள், யோகத்தில் எல்லோரும் போவதை தடுத்து, பொருள் பறிக்கும் நோக்கில், அரசோடு இணைந்தும் கூட, சித்தர்கள் தந்த விளக்கங்களை திசை மாற்றி, மனித மனம் வேறு, இறை என்பது வேறு என்று மாற்றுக்கருத்துக்கூறி, பக்தியால் பிரித்து துண்டாடினார்கள். அதுவே இன்னமும் விளக்கமின்றி உலகில் தொடர்ந்து வருகிறது. ஆனால் யோகம் வழி, மனதின் துணையால்தான் இறைவிளக்கம் பெற முடியும் என்ற உண்மை அறிந்துகொள்ள வேண்டும் என்பதை இந்தக்கவிதை நமக்கு விளக்கம் அளிக்கிறது!

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: