The mind is a miracle that can't be explained by words!

 மனம் வார்த்தையால் விளக்கமுடியாத அற்புதம்!

ஆத்திகம் நாத்திகம் இயற்கைத்தத்துவம் எவ்வழியிலும்

மனமும் அதன்விளக்கமும் எளியதே முக்கியமானதே!

மனதையடக்க நினைக்காது அறிய நினைத்தாலதுவே

தன்னை உனக்குள்ளே தானேஅறிவாக அறியத்தந்திடும்!

தேவைஅகத் தவமும்முயற்சியும் தகுந்தகுருவின் வழியே!

வார்த்தையால் விளக்கமுடியா அற்புதம் காட்டிடும்மனம்,

தன்னுள்ளே எல்லாம் அடக்கியும்விரித்தும் இயல்பாக!

தள்ளிவைப்பீர் மனம்குறித்தான எல்லாக் கட்டுக்கதையும்!

விளக்கம்:

உலகில் அவர்வர் அவர்களுடைய சொந்த விருப்பதின்படி வாழ விருப்பம் உள்ளது. அதற்கான உரிமையும் உள்ளது. அந்தக்காலம்போல், கட்டாயமாகவும், விருப்பமின்றியும், ஆசைப்பட்டும் இறையை ஏற்றுக்கொள்ள வேண்டிய அவசியம் யாருக்குமே இல்லை! ஆனாலும் கூட இன்னமும் சில முரண்பாடுகள் இருப்பதை அறிவோம். அவ்வழியே, ஆத்திகவாதியும், நாத்திகவாதியும், இயற்கை தத்துவவாதியும், மனதையும், அதன் உண்மை விளக்கத்தையும் உணர்ந்து தெளிய எளிய வழி உண்டு. மேலும் அது இம்மூவருக்குமே முக்கியமானதும் ஆகும்.

மனதை அடக்க நினைக்காமல், அறிய நினைத்தாலே போதுமானது. மனமே தன்னை, நமக்குள்ளாக மலர்ந்து, அறிவாகவும் இருப்பதை அறியத்தரும். இதற்கு என்ன தேவை? தகுந்த குருவால் கிடைத்த தீட்சையும், அகத்தவமும், அதை தொடர்ந்து செய்வதற்கான முயற்சியும் வேண்டும்.

மனம், வார்த்தையால் விளக்கமுடியாத அற்புதத்தை காட்டிடும் என்பது உறுதி. எல்லாவற்றையும் தன்னுள்ளே அடக்கியும், தானே விரிந்தும், இயல்பாக உண்மை தரும். இந்த உண்மையை நீங்கள் உணர்ந்து கொள்ள விரும்பினால், இதுவரை நீங்கள் கேட்ட, பார்த்த, படித்த மனம் குறித்தான எல்லா கட்டுக்கதைகளையும் தள்ளி வைத்துவிடுங்கள் என்பதாக இந்தக்கவிதை விளக்கம் தருகிறது.

வாழ்க வளமுடன்.

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: