The suffering and dissatisfaction of the mind!

 மனதின் துன்பமும் திருப்தியின்மையும்!

கடல்நீரை எப்படிஓர் குவளையில் அடக்கிடமுடியும்?

ஓர்பிரமாண்டம் எப்படிஇரு கண்கள் பார்க்கமுடியும்?

விரிந்தவொன்றை எப்படிஓர் புள்ளியில் அடக்கமுடியும்?

அத்தகைய முடிவான செயலன்றோ மனதைமனிதர்கள்

உலகியல் பொருள் புகழ்செல்வாக்கு புலனில் ஆழ்த்துவது!

மனமென்பது ஒர்நாளும் குறுகியநிலை நிற்காததுஎன்றும்

எல்லையற்று விரிந்திடவே ஏங்கிதவிக்கும் மனிதரறியார்!

துன்பமும் திருப்தியின்மையும் இதனால்தான் எழுவதறிவீர்!

விளக்கம்:

கடல் என்று சொன்னாலே, இடதும், வலதும், உங்கள் முன்னும் கண்ணுக்கெட்டிய தூரம் வரை விரிந்து அலைபாயும் கடல் வந்து நிற்கும் அல்லவா? அவ்வளவு நீரையும், ஒரு குவளையில் அடக்கிட முடியுமா? வானத்தை பார்க்கிறீர்கள், அதன் அளவு இருகண்களால் பார்க்கும் அளவிலா இருக்கிறது? அதையும் தாண்டிய எல்லையற்ற பிரமாண்டம் அல்லவா? ஒரு புள்ளியிலிருந்து ஒருவட்டம் துவங்கி இருக்கலாம், ஆனால் மீண்டும் அதை புள்ளிக்கே திருப்பிட முடியுமா? நிச்சயமாக முடியாது என்பதை நீங்கள் அறிவீர்கள்.

அத்தகைய முடிவான முடியாத செயல்தான், மனிதர்கள் தங்கள் மனதை உலகியலில் பொருள், புகழ், செல்வாக்கு மற்றும் புலன் இன்பங்களில் ஆழ்த்து மகிழ்வது ஆகும். மனித மனம் ஓர் நாளும் குறுகிய நிலையில் நிற்காது. நிற்கவும் முடியாது. எப்பொழுதும் மனம் தன் எல்லையற்று விரிந்திடவே ஏங்கி தவிக்கும், அது அதனுடைய இயல்பு. ஆனால் மனிதர்கள் இதை அறியமாட்டார்கள். இதனால்தான் மனிதர்களுக்கு தங்கள் வாழ்வில் துன்பமும், திருப்தியின்மையும் எழுகிறது என்பதை ஒருபோதும் உணர்ந்துகொள்ள மாட்டார்கள். அந்த அளவில் மயக்கத்தில் இருக்கிறார்கள் என்பதாக இந்தக்கவிதை விளக்கம் அளிக்கிறது!

வாழ்க வளமுடன்.

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: