Time helps everyone to know their minds

 எல்லோரும் மனம் அறிய காலமே உதவுகிறது!

மனதையும் உன்னையும் பிரித்தாலே உன்னையேய்க்க

முடியுமென்றே மனமொர் பேய்பிசாசு என்றேபயமுறுத்தி

அடங்காது முயற்சித்தாலும் அடங்கிடாது என்றேபொய்

உரைத்து பக்திமந்திரம் பூசைசடங்கு பண்டிகைவிரதம்

இப்படி குவித்துமனிதனை சிறைப்படுத்தி வைத்தார்கள்!

பலகாலம் சொன்னபொய் உண்மையென்றே உருமாறி

எளியமையான மனமென்பதன் தத்துவம் மறைந்ததுவே!

விடுமோஇயற்கை? சித்தாந்தவழி மனமுணர இதோகாலம்!

விளக்கம்:

மனதை பற்றி, உலக மக்கள் அறிந்ததெல்லாம் கட்டுக்கதை. ஆனாலும் எவ்வகையிலோ மனம் என்பதை தெரிந்து வைத்திருக்கிறார்கள் என்பதால் புதிதாக, மனதை அறிமுகப்படுத்த தேவையில்லை. ஒரு மனிதனை ஏமாற்றி ஏய்த்துப்பிழைக்க, மனதையும், அம்மனிதனையும் பிரித்து, மனதிற்கு தனிசக்தி இருக்கிறது, அது அடங்காதது, எவ்வகையில் அடக்க முயற்சித்தாலும் அடங்கிடாது என்று பொய்க்கதை சொல்லி, பக்தி வழியில், மந்திரம், பூசை, சடங்குகள், பண்டிகை, விரதம் என்று பல முறைகளைக் கொடுத்து, மனதை அதில் செலுத்தச்சொல்லி, மனிதன் இதை விட்டு வெளியே போகாதபடி பார்த்துக்கொண்டனர். இப்படி பலகாலமாக சொல்லிவந்த பொய், உண்மையென்றே உருமாறி அதுவே இன்னமும் மக்களிடையே தொடர்கின்றது. இதனால் சித்தர்கள் சொல்லிச்சென்ற எளிமையான வழியில் மனம் அறிதல், அதன் தத்துவம் மறைக்கப்பட்டது, மறைந்துவிட்டது.

ஆனால், இறையே மனமாகவும் இருக்கும் தன்மையினால், தன்னெழுச்சியாகவும், மக்களின் சிந்தனை உயர்ந்து “உலகில் மனிதனுக்கு மட்டும் ஏன் இந்த துன்பம்?” என்ற கேள்வியின் வழியாக, இந்த இயற்கையே காலத்தால் ஒரு வழி தந்துவிட்டது. அதுவே சித்தாந்தத்தின் வழியாக மனம் உணரலாம் என்பதே ஆகும்! இத்தகைய விளக்கத்தை இந்தக்கவிதை நமக்குத் தருகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: