Vedanta and Siddhant helps to build mind awareness!

 மன விழிப்புணர்வு பெற வேதாந்தம் சித்தாந்தம்!

மழைநீர் பள்ளம்நோக்கி ஓடிச்சென்று நிரம்புவதுபோல

மனமும் விரும்பினவற்றில் எல்லாம்சென்று நின்றிடும்

ஆசையும் பழக்கமும் முன்பட்டனுபவமும் காரணமாகும்!

சிந்திப்பீர் இப்போதுள்ள துன்மமெல்லாம் அதனால்தானே!

என்றோசெய்தேன் அதன்விளவோ எப்படியென மறுத்தாலும்

உண்மையதுவே, மனஇயக்கத்தில் விழிப்புணர்வு எளிதல்ல

எனினும் வேதாந்தம் சித்தாந்தம் துணைகொண்டுயறலாம்!

தூக்கத்தில் ஏன்மனமில்லை என்றேசிந்திப்பீர் அதுவுதவும்!

விளக்கம்:

ஒருநாள் மழைபெய்தால் அந்த மழை நீர் எங்கெல்லாம் செல்கிறது? தானாகவே எங்கே பள்ளம் இருக்கிறதோ அதை நோக்கி ஓடி நிரம்பி, வழிந்து அடுத்த பள்ளம் நோக்கி ஓடும். அதுபோலவே இந்த மனிதனின் மனம், எதையெல்லாம் விரும்புகிறதோ அதை நோக்கி ஓடிடும். இதற்கு என்ன காரணம்? ஏற்கனவே நாம் சில விருப்பங்களை பெற்றுள்ளோம். முதல் தேவை உணவு. அடுத்து சுவை என்று வரிசையாக எது எது பிடிக்கும் என்ற அனுபவங்களின் பட்டியல் படி தானகவே ஓடிக்கொண்டே இருக்கும். 

கொஞ்சம் சிந்தித்துப்பார்த்தால், இப்பொழுது நாம் அனுபவிக்கின்ற துன்பத்திற்குக் கூட அப்படியான மன ஓட்டம் தான் காரணமாக இருக்கும். அதெப்படி? என்றைக்கோ செய்த ஒன்றுக்கு அதன் விளைவாக இப்பொழுது பாதிக்குமா? என்று கேட்டாலும் உண்மை அதுதான். ஒரு விதை எப்பொழுது செடியாகும், மரமாகும் என்பது அதன் வளர்ச்சியில் தானே இருக்கிறது. அதற்கான காலமும் இருக்கிறதே, அதுபோலத்தான்.

இதில் நாம் தப்பிக்க, திருத்திக்கொள்ள வழி என்ன? மன செயல்பாடுகளில் விழிப்புணர்வு பெற வேண்டும். வேதாந்த பயிற்சிகளாலும், சித்தாந்த பயிற்சிகளாலும் இந்த விழிப்புணர்வை பெறலாம். அதன் மூலம் துன்பத்தடை விலக்கி உயரலாம். தூக்கத்தில் ஏன் மனம் இல்லை? என்ற ஒரு கேள்வி உங்களுக்குள் கேட்டுப்பாருங்கள். அது உங்கள் சிந்தனையை உயர்த்தும்! என்பதாக இந்தக்கவிதை மன விழிப்பு குறித்தான விளக்கங்களைத் தருகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: