What is the quality and nature of the mind is the same!

 மனதின் தரமே மனிதனின் தரம்!

மனிதனின் தரமுமொழுங்கும் மனதாலே நின்றிடும்

வயதுமூன்று முதல்தான் பார்க்கும் நிகழ்வின்வழி

எண்ணம்சொல் செயல்விளைவு மூன்றும் அறிந்து

தன்மனம் மூளைமற்றும் கருமையம் பதிந்திடும்!

இதனோடு கருமையம் ஏற்கனவே பதிந்திட்டபதிவும்

மனஅலைச் சுழலுக்கேற்ப மூளைவழி விரித்துகாட்ட

செயலார்வம் வந்துசெயலாகும் இவையாவும் வினையே!

குழந்தைமுன் எச்செயலும் மிகவிழிப்புடன் நடத்துவீர்!

விளக்கம்:

ஒரு மனிதன் எப்படிப்பட்டவன் என்று கேட்டால், அவனுடைய செயல்களைக் கொண்டு தரம் பிரித்துவிடலாம். உலகில் எது நேர்மை, ஒழுங்கு, இயற்கை என்ற கட்டமைப்புக்குள் இருக்கிறதோ அதை மீறினால், அந்த மனிதன் தரமில்லாதவன் என்பது உறுதி. மனிதனின் தரத்தை நிர்ணயம் செய்வதில், அவனுடைய ஒழுக்கத்தை தெரிந்துகொள்ளவும், மனம் முக்கிய பங்கு வகிக்கிறது!

ஒரு மனிதனுடைய மனம், மூன்று வயதில் தன் பதிவுகளை தொடர் ஆரம்பிக்கிறது. அந்த வயதுமுதல், தன்னைசுற்றியும், தனக்கும் நிகழ்கின்ற எல்லாவற்றையும் உணர்ந்து மனம் பதிவுசெய்து, கருமையத்திற்கும் அனுப்பிவைக்கிறது. மூளையிலும் தனியே பதிவாகிறது. ஏற்கனவே பிறவி வழியாக கருமையத்தில் பதிந்துள்ளவைகளும் செயல்படும் காலம் அதே மூன்று வயதுதான். இவை எல்லாமே மனதின் அலைசுழலுக்கேற்ப, மூளைவழியாக விரிந்து காட்சியாக, எண்ணமாக, செயலாக மலர்ந்திடும். இவை எல்லாமே வினைப்பதிவும், வினைப்பதிவின் விரிவாக்கமும் ஆகும். இதை பெரியவர்கள் கவனத்தில்கொண்டு, குழந்தைகளின் முன் தகாத எந்த செயலையும் செய்யவோ, ஊக்கப்படுத்தவோ கூடாது. மேலும் தானாக குழந்தை தவறு செய்தால், திருத்தி நல்ல செயல்களை கற்றுக்கொடுத்தல் அவசியம். அதுதான் பின்னாளில் குழந்தையின் தரமாகவும், ஒழுக்கமாகவும் அமைகிறது. இத்தகைய உண்மை விளக்கத்தை இந்தக்கவிதை நமக்கு வழங்குகிறது.

வாழ்க வளமுடன்

-----

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: