Can you think of what you want to happen? annex

நினைப்பது நடக்க எண்ணத்தால் எண்ணலாமா?

கவிதை: இங்கே படிக்கவும்

விளக்கம்:

எங்கே பார்த்தாலும், கேட்டாலும், நீ கேள், பிரபஞ்சம் வழங்கும் என்று ரகசிய பாடம் நிகழ்த்தப்படுகிறது. கேட்டவுடனே கொடுப்பதற்கு தாய் தந்தையாலும், தனி மனிதராலும், அரசாலும், வங்கியாலும் கூட முடியாது தானே? அதைத்தானே நாம் அனுபவப்பட்டிருக்கிறோம்? இவர்களை விடவும் பிரபஞ்ச சக்தி கொஞ்சம் ஏமாளித்தனமாக இருக்குமோ? அப்படியான கருதுகோளுக்கு மக்கள் வந்துவிட்டார்களோ? இப்படி சிக்கி தவிப்பவர்கள் விளக்கம் பெற இக்கவிதை பிறக்கிறது!

இந்த உலகில் பிறந்தவர்கள் எவருமே, கைகள் மூடிக்கொண்டு பிறந்தாலும் கூட, கைக்குள் ஒன்றுமில்லை. போகும்பொழுதும் கைகளில் எதையும் கொண்டு போவதும் இல்லை. இனியும் கொண்டு போகப் போவதும் இல்லை. ஒரு மனிதனுக்கு தேவையான ‘பொதுவான’ எல்லாமே, இயற்கை என்னும் பேராற்றலால், தகுதி அடிப்படையில் வழங்கப்பட்டிருக்கிறது. அவன் வாழ்நாளுக்குள் எல்லாமே பெற்றும் விடுவான் என்பது இயற்கை நீதி.

அதை மறந்துவிட்டு, உணர்ச்சி வசப்பட்டு, தன் வாழ்வின் நிலைமாற்றத்தை சரி செய்ய, பொருள், பணம் கேட்டு, மனதை ஓர்மை செய்து, எண்ணி எண்ணி அழுத்தம் கொடுத்தால், அறிவு அங்கே மயங்கிய நிலையில் எப்படி அது வேலை செய்யும்? ஏமாற்றமே மனிதருக்கு மிஞ்சும்!  காரணம் மிக எளிது! அடிப்படையில் மனித வாழ்வுக்கு என்ன வேண்டுமோ, அதை அவன் உழைத்தால், தகுதியான எல்லாவற்றையும் பெற்றுவிடலாம். உலகில் வாழ்ந்த மனிதர்களின் வரலாறும் அதைத்தானே சொல்லுகிறது?!

மேலும், மனித வாழ்க்கைக்கு தேவையான சில பொருட்களையும், பணத்தையும் படைத்தது யார்? மனிதன் தானே?! அதைப்போய், பிரபஞ்சத்திடம் வழங்கச்சொல்லி கேட்பது நியாயமா? என்ற சிந்தனையை இந்தக்கவிதை விளக்கமாக தருகிறது!

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: