Is it okay to ask for what you want and to like? annex

வேண்டியதை கேட்பதும், விருப்பம் கொள்வதும் சரிதானா?

கவிதை: இங்கே படிக்கவும்

விளக்கம்: 

தமிழ் வார்த்தைகளில் இருக்கிற சிறப்பையும், அதுவழங்கும் இரண்டு பொருள்பட இருப்பதையும் இங்கே காண்கிறோம். வேண்டியது என்றால், 1) எனக்கு வேண்டிய பொருள் என்றும், 2) நான் வேண்டிக் கேட்கும் பொருள் என்றும் இரண்டு அர்த்தம் பெறுகிறோம். அதுபோலவே விருப்பம் என்றால், 1) எனக்கு வேண்டுமென நான் விரும்புகிறேன் என்றும், 2) எனக்கு விருப்பமானது (பொதுதன்மை) என்றும் இரண்டு அர்த்தம் பெறுகிறோம்.

வேதாத்திரி மகரிஷி அவர்கள், விரும்பியது எல்லாம் கிடைக்கவேண்டும் என்று எண்ணி உங்களை கெடுத்துக்கொள்ள வேண்டாம் என்றும், அதுபோல வேண்டியதை கேட்டுப்பெறுவதில் தவறில்லை என்றும் சொல்லுகிறார். இங்கே விரும்பியது என்றால், எனக்கு வேண்டுமென நான் விரும்புகிறேன் என்று அர்த்தமாகிறது. வேண்டியது என்றால், எனக்கு வேண்டிய பொருள் என்று அர்த்தமாகிறது.

அப்படியானால், கடந்த ஒரு கவிதையில் விருப்பத்தில் ஆழ்க என்று சொல்லப்பட்டுள்ளதே? என்ற கேள்வி எழலாம். விருப்பத்தில் ஆழ்ந்து இருப்பதற்கும், விருப்பத்தோடு எண்ணி செயல்படுவதற்கும் வித்தியாசம் இருக்கிறது அல்லவா? விருப்பத்தில் ஆழ்ந்தால் வேண்டும் கேட்க முடியாது, வேண்டாம் ஒதுக்கிடவும் முடியாது. அதுபோல கிடைத்தால் மகிழ்வும், கிடைக்காவிட்டால் வருத்தமும் எழப்போவதில்லையே.

தன்னிலை உணர்ந்தவர்கள், வேண்டுதலே வேண்டாம் என்று இருப்பார்களாம். ஏனென்றால், ஒரு மனிதனுடைய வாழ்க்கைக்கு தேவையான எல்லாம் ஏற்கனவே வழங்கப்பட்டிருக்கிறதே என்பதால்தான்! அப்படியான நிலையில் இருப்பவர்களுக்கு எத்துன்பமும் எழப்போவதில்லை என்று ஆசான் திருவள்ளுவர் சொல்லுகிறார்.

//குறள் 4

வேண்டுதல் வேண்டாமை இலானடி சேர்ந்தார்க்கு

யாண்டும் இடும்பை இல//

வேண்டுதல், விருப்பம் என்பது குறித்த எண்ணத்தில் விளக்கம் பெறவே இந்தக்கவிதை நமக்கு விளக்கம் அளிக்கிறது.

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: