What can stop the thought from arising?! annex

எழும் எண்ணத்தை என்னத்தால் தடுக்கமுடியும்?!

கவிதை: இங்கே படிக்கவும்

விளக்கம்:

ஓயாத கடல் அலைகள் போல, என் மனதில் எழும் எண்ணங்களை தடுக்க வழி ஏதேனும் உண்டா? என்னத்தால் அதை தடுப்பதைய்யா? என்று கேள்வி கேட்டால், அதற்கு ஓர் எளிய வழி உண்டு. எழுகின்ற எண்ணத்தை மற்றொரு எண்ணத்தாலேயே கட்டி இழுத்து அடக்கி வைக்கமுடியும் என்று இந்த கவிதை சொல்லுகிறது. மேலும் பார்ப்போம்.

எழும் எண்ணங்களை முதலில் ஏன்? எதற்கு? எப்படி? எதனால்? என்று எண்ணங்களை ஆராய்தல் மூலமாக பழகிக்கொள்ள வேண்டும். அப்படி பழகிவிட்டால், எண்ணம் எழும்போதே, அதன் இருப்பு, தற்போதைய நிலை, எதிர்கால விளைவு ஆகிய முக்காலமும் தெரிந்துவிடும். ஒரு ஞானியைப்போல எண்ணம் குறித்த தெளிவுக்கு வந்துவிடுவீர்கள். இதனால் எண்ண்ம் எழுந்தால், அதன் தன்மை ஆராய்ந்து, வேண்டாத, தகாத எண்ணம் என்றால் உடனே, இந்த எண்ணம் எனக்கு வேண்டாம் என்ற மற்றொரு எண்ணத்தை, நாமாக எழுப்பி அதனோடு முடிச்சிட்டுக் கொள்ள வேண்டும்.

அதாவது, இந்த எண்ணம் தவறு, இனிமேல் இந்த எண்ணம் எழுந்தால் அதற்கு முக்கியத்துவம் கொடுக்கமாட்டேன் என்று துணை எண்ணத்தை ஏற்படுத்திக் கொள்ளவேண்டும்.

இதனால் மட்டும் அந்த எண்ணம் அடங்கிவிடுமா? என்று கேட்கிறீர்களா? இங்கே ஒரு சூட்சுமம் இருக்கிறது. அந்த எண்ணம் அப்போதைக்கு அடங்கினாலும், மீண்டும் அதே எண்ணம் வருவது இயல்புதான், ஆனால் மறுபடி வரும்பொழுது, நாம் முடிவு எடுத்த எண்ணத்தையும் இணைத்துக்கொண்டு வரும். அந்த வகையில் தானாகவே, மீண்டும், மீண்டும் எழுந்தாலும், நாம் போட்ட முடிச்சால் அது செயல்படமுடியாது காலத்தால் அடங்கிவிடும் என்ற உண்மையை நமக்கு, வேதாத்திரி மகரிசி அவர்கள் பயிற்சியாக அறியத்தருகிறார். இதைப்போலவே உங்களுக்குள் எழும் எல்லாவகையான எண்ணங்களுக்கும் செயல்படுத்தி திருத்தி அமைத்துக் கொள்ள முடியும் என்பதாக இந்தக்கவிதை விளக்கமாக சொல்லுகிறது.

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: