Do we know the divinely arising thought? annex

தெய்வீகமாக எழுகின்ற எண்ணம் அறிவோமா?

கவிதை: இங்கே படிக்கவும்

விளக்கம்:

தெய்வீகமாக எழும் எண்ணமே மிக அற்புதமானது, எல்லோரும் எற்றுக் கொள்வது ஆகும். இத்தகைய எண்ணம், சொல், செயல் எதுவாக மலர்ந்தாலும், அது உலக மக்களுக்கே நன்மை தரதக்கதாக அமைந்திடும் என்பது உறுதி. இங்கே என் அனுபவத்தில், குரு மகான் வேதாத்திரியை சொல்லமுடியும். எப்படி?

தன்னுடைய 34 வயதில் தேடிய நான் யார்? தேடல், வேதாத்திரி மகரிஷிக்கு அடுத்த 16 ஆண்டுகளில் தீர்வு கிடைத்துவிட்டது. தன் 50 வயது முதல், தன்னை இந்த உலகுக்கே அர்பணித்து, ஓவ்வொரு மனிதரும், தெய்வம் என்பது என்ன? இயற்கை என்பது என்ன? பிறவியின் கடமை என்ன? என்பதை அறியத்தருகிறார். வெறுமனே யோகமும், பயிற்சியும் மட்டுமல்லாது, தனி மனிதன் விடுதலை நோக்கத்தில், தன் களங்கள் போக்க, தற்சோதனை, அகத்தாய்வு பயிற்சிகளை அமைத்து தந்திருக்கிறார். அதன் வழியாக, உலக ஒற்றுமையும், எல்லைகளில்லா நாடுகளும், ஓர் உலக கூட்டாச்சியும், உலக சமாதானமும் அமைந்து, எல்லோரும் இன்பமாகவே வாழ வழியும் திட்டமும் தந்திருக்கிறார். இன்னும் 100 ஆண்டுகள் காலத்திற்குள் நிகழ்வது உறுதி என்றே கூறியுள்ளார். அவர் உடலாக, உயிராக வாழ்ந்திருந்த காலத்திலேயே, வேதாத்திரியம் எங்கும் ஏற்கப்பட்டுள்ளதை நாம் அறிவோம். இன்றும் வான்காந்தத்தில் கலந்து வழிநடத்தி வருகிறார்!

இதுவரை உலகில் அந்தந்த நாடுகளின், மக்களின் உயர்வுக்காக, தலைவர்கள், மகான்கள், ஞானிகள், பெரியோர்கள், குருமார்கள் தோன்றி, தான் வாழும் காலம் வரையிலும், நன் மதிப்போடு, களங்கமில்லாமல், ஒரு சாரரையும் பிரித்துப் பார்க்காமல், மக்களின் நம்பிக்கைகளை தகர்க்காமல், மிகச்சரியாக வழி நடத்தி, எல்லாரும் சமமென்ற பார்வையில் உதவி, பொதுவாழ்க்கையில் ஈடுபட்டு, மறைந்தும் வாழ்கிறார்கள் என்பதை நாம் அறிவோம்.

இப்படியாக, ஊருக்கும் நாட்டிற்கும் உலகிற்கும் உன்னதமாக செயலாற்றி உய்விக்கும் பெரும்சாதனை மனிதர்களை வெளிப்படுத்தி அமைவதே தெய்வீகமாக எழுமெண்ணம் ஆகும்! இதன் முக்கிய காரணம் ஆராய்ந்தால், உலகமக்களின் நோக்கத்தை நிறைவேற்ற, இயற்கையே அமைத்துத்தரும் வழியாக கருதலாம்! இத்தகைய அற்புதமான எண்ணத்தையும், சொல்லையும், செயலையும், தெய்வீகமன்றி வேறு யார்தான் சாதாரணமாக நிகழ்த்திட முடியும்? எனவே தெய்வீக எண்ணத்தை போற்றி மகிழ்வோம் என்று இந்தக்கவிதை விளக்கம் தருகிறது!

வாழ்க வளமுடன்!

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: