Do we know the thought that arises out of the genetic center? annex

கருவமைப்பால் எழும் எண்ணங்கள் அறிவோமா?

கவிதை: இங்கே படிக்கவும்

விளக்கம்: 

கருமையம் என்ற ஒன்று, உலகில் எல்லா உயிர்களுக்கும் உண்டு எனினும், மனிதனுடைய கருமையம், முழுமையான தொகுப்புகொண்ட கருவூலம் எனலாம். ஆதிமுதல் அந்தம் வரையிலான அனைத்தும் அங்கே விரிவு சுருக்க பதிவாக, தானாகவே பதிந்து விடும். அதாவது நாம் தனியாக பதிவதற்கு ஒன்றுமே செய்யவேண்டியதில்லை. உதாரணமாக ஒரு கணிணியின் (Computer chip and Memory Card) ஞாபகப்பதிவு எனலாம். 

ஒரு மனிதன் தனியாக, உருவாகிவிடவில்லை. ஒரு ஆண், பெண் இருவரின் கலப்பினால்தான் கருவாகி, உருவாகி, மனிதனாக உலகில் பிறக்க முடியும். சோதனைக்குழாய் மூலம் என்றாலும் அங்கே, ஆண் பெண் வித்து வேண்டுமே?! இதனால், அவனின் பெற்றொர், அவர்களின் பெற்றோர், அந்த பெற்றோரின் பெற்றோர் என்று வழிவழியாக வாழ்ந்து வந்த மூதாதையர்களின் வழியாக வந்த பதிவுகளும், இவனின் கருமையத்தில் அமைந்துதான் இருக்கும், அது இயற்கை! அதுதான் கருமைய பதிவாக இவனிடத்தில் எண்ணமாக வெளிவரும். எப்படி?

நீங்கள் இப்பொழுது, இந்த வேதாத்திரியத்தில் இணைந்திருப்பதற்கு காரணமே அத்தகைய உயர்ந்த கருமைய வழி வந்த எண்ணம் தானே?! மேலும் பார்க்கலாம்!

உதாரணமாக, ஒரு ஊருக்கு செல்லும் வழி, உயர்ந்த மலையை சுற்றிச் சென்று போவது கடினமாக இருக்கிறது. யாரோ ஒருவர், இந்த மலையை குடைந்து உடைத்து அதன் அடியில் ஒரு பாதை இருந்தால் சீக்கிரம் போகலாமே, என்று நினைத்திருக்கலாம். இவன் அந்த ஊருக்கு தலைவரான பிறகு, அரசின் உதவியோடு பாதை அமைக்க தொடங்கி வெற்றியும் பெறுவான். இப்படி, ஒரு ஆற்றை கடக்க பாலம், சிறார்கள் படிக்க பள்ளிக்கூடம், கல்லூரி என சொல்லிக்கொண்டே போகலாம்.

இதில் கெடு எண்ணம் தோன்ற வழி உண்டா? உண்டுதான். நீண்டகாலமாக, ஒரு பகைவரின் தோட்டத்தின் மண்வளம் யாரையோ உறுத்தியிருக்கிறது. எப்படியாவது அந்த தோட்டம் முழுதும், தனக்கே சொந்தமாக்கிக் கொள்ள வேண்டும் என்ற எண்ணம். ஆனால் அதற்கு தகுந்த சந்தர்ப்பம் இல்லை. இவனின் கருமைய தூண்டுதலில் அந்த பகையாளியோடு சண்டையிட்டு, அபகரித்தான். ஆனால் அரசாங்கத்தின் பார்வையில் குற்றவாளியாகி தண்டனை அனுபவிக்கிறான் என்றாகி விடும்!

என்றவகையில், தீங்காக அந்த கருமைய எண்ணம் செயல்படவும் வாய்ப்பு உண்டு. இதனால், கருமையத்தின் எண்ணமாக இருந்தாலும் கூட, உடனே மதிப்பளிக்காமல், அதன் தன்மை ஆராய்ந்து சொல்லாகவும், செயலாகவும் மலரச்செய்ய வேண்டும். பெரும் சிக்கலில் தன்னையும், வாழ்க்கையும் இழந்துவிடக்கூடாது என்று இந்தக்கவிதை கருமைய எண்ணங்கள் குறித்து விளக்கம் அளிக்கிறது!

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: