Realize the power of thoughts and rise using them! annex

எண்ணங்களின் சக்தி உணர்ந்து பயன்படுத்தி உயரலாம்!

கவிதை: இங்கே படிக்கவும்

விளக்கம்:

இராயிரம் ஆண்டுகளுக்கு முன்னரே, வெள்ளத்தனைய மலர் நீட்டம் எனும் குறளில், உள்ளத்தையும், அந்த உள்ளத்தில் எழும் எண்ணம் குறித்து, உள்ளத்தால் உள்ளலும் தீதே என்றும் குறள் வழியாக திருவள்ளுவர் நமக்கு அறியத்தருகிறார்.

எதை வேண்டுமானாலும் எண்ணலாம், எதை வேண்டுமானாலும் அதன்வழியாக பெறலாம் என்ற பாடத்தை, பலரும் நூல் வழியாகவும், பாடம் வழியாகவும், காணொளி வழியாகவும் தந்துகொண்டிருக்கும் காலம் இது. நீண்டகால ஆராய்வில், இதுவரை யாருமே, எண்ணங்களின் சக்தியை பயன்படுத்துக என்று சொன்னதில்லை. ஆனால் பொருளாதரமயமாகி விட்ட தற்போதய உலகில், இதுவும் நல்ல வியாபாரப் பொருளாகிவிட்டது.

உண்மையாக எண்ணங்களை அறிந்து, அதன் தன்மை உணர்ந்தால் மட்டுமே அதனை சரியாக பயன்படுத்தி, நாம் வாழ்வில் உயரமுடியும். அது எப்படி என இங்கு பார்க்கலாம். எண்ணம் என்பது என்ன? என்று கேள்வி எழுப்பினால், எது எல்லாமாக இருக்கிறதோ, அத்தகைய இருப்பின் அசைவுதான் மனம் என்றாகிறது. அதாவது கடலும், அலையும் போல என உதாரணம் கொள்ளலாம். அசையும் அந்த மனதில், ஒரு நீரோட்டமாக எப்போதும் ஓடிக்கொண்டே இருப்பதுதான் எண்ணம் ஆகும். எழுகின்ற/ எழுப்பப்படுகின்ற எண்ணம், எங்குமே செல்லக்கூடியதாகும். அதுமட்டுமில்லாமல், அது திரும்பி நம்மிடமே, அது எங்கு எழுந்ததோ அந்த இடம் நோக்கியும் வரும். அப்படியாக திரும்பி வரும்பொழுது, அந்த எண்ணத்தில் என்னென்ன இருந்ததோ, அதற்கேற்றபடி, அதற்கான விடையையும் இணைத்துக்கொண்டு வரும். அவ்வளவு சக்திபெற்றது நம் எண்ணம் என்பதை உணர்ந்து கொள்ளலாம்.  அந்த விடைகள் நல்லதா? கெட்டதா? என்பதை அப்படி திரும்பிவரும் எண்ணம் அறிந்து கொள்ளாது. எதுவாக இருந்தாலும் தன்னில் சுமந்துவரும். அதுதான் நமக்கான, நாம் நினைத்த, உருவாக்கிய எண்ணத்திற்கான விளைவாக தாக்கும், திருப்பியும் தரும். நீதானே எண்ணிணாய், இந்தா பிடித்துக்கொள் என்று தந்துவிடும். அதை ஏற்கவும் நாம் தயாராக வேண்டும்.

அதனால்தான் ஏதோ சும்மா, விளையாட்டுக்காக எண்ணினேன், நினைத்தேன் என்று செய்துவிடக்கூடாது. விளையும் விளைவு கருதி நேர்மை என்ற நிலையில், மேன்மையாக அதைச் செய்யவேண்டும். ஏனென்றால், அம்மாபெரும் எண்ணத்திற்கு முன், நாமெல்லாம் சிறுதுரும்பே என்பதாக இந்தக்கவிதை உண்மை விளக்கம் தருகிறது!

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: