You will immediately find out who make this thought. annex

எண்ணியது யாரென்று உடனே ஆராய்வீர்

கவிதை: இங்கே படிக்கவும்

விளக்கம்:

ஒரு எண்ணம் எப்போது தோன்றும் என்று உறுதியாக சொல்லமுடிவதில்லை. ஆனாலும் நாம் ஏதேனும் வேலை பார்க்கும் பொழுதோ, ஏதேனும் படிக்கும் பொழுதோ, அமைதியாக இருக்கும் பொழுதோ, தவம் செய்கின்ற பொழுதோ தீடீரெனெ ஒர் எண்ணம் வந்து நிற்கும். அதில் கொஞ்சம் நம் கவனத்தை திருப்பி ஒரு ஆராய்ச்சி செய்யலாம். எப்படி?

முளைத்தெழுந்த இந்த எண்ணம், என்னுடைய எண்ணமா? அதாவது நான் என்னுடைய நடவடிக்கையால் எழுப்பிக்கொண்ட / உருவாக்கிக் கொண்ட எண்ணமா? அல்லது இது தானாகவே எனக்குள்ளாக உருவாகி எழுகின்றதா என்ற கேள்வியை முன்வைத்து ஆராயவேண்டும். அந்த ஆராய்ச்சியை முன்வைத்த உடனேயே உங்களுக்கு விடை தெரிந்து விடும். இந்த ஆராய்ச்சியை நீங்கள் செய்யவில்லை என்றால், என்னமோ எண்ணம் வந்தது, அப்படியே போய்விட்டது என்றுதான் சொல்லுவோம். இந்த கண்டுகொள்ளாத நிலையில் நாம் இருக்ககூடாது.

மேலும், எண்ணம் வந்தது என்மூலமாகவா, தானாகவே எழுந்ததா என்பதை அறிந்தபிறகு, இப்படியான எண்ணம் வர காரணமாக இருந்தது அல்லது இருப்பது எது என்று, அந்த எண்ணத்தின் மூலம் என்ன? என்பதையும் கண்டுவிட வேண்டும் உடனுக்குடனே! அப்படியாக அதனுடைய மூலம் கண்டுவிட்டால், அந்த எண்ணம் ஏன் வந்தது? அது செயல்படுத்தலாம? வேண்டாமா? தள்ளிவைக்கலாமா?  விளைவானால் என்ன ஆகும்? என்ற கேள்விக்கெல்லாம் விடை கிடைத்துவிடும்.

அதுமட்டுமல்ல, உடனடியாக எழுந்த எண்ணத்தை ஆராய்ந்துவிடுவதால், உங்களுடைய அறிவு / அறிவாட்சியின் தரமும், பலமும் உங்களுக்குத் தெரிந்துவிடும். அது உங்களுக்கு நம்பிக்கை அளிப்பதாகவும் இருக்கலாம். இன்னும் கூடுதலாக உங்களுக்கும், இறைக்கும், இந்த இயற்கைக்கும் உள்ள உறவு எத்தகையது? அது எவ்வளவு தூரத்தில் இருக்கிறது? என்பதும் தெரிந்துவிடும் என்று எழுந்த எண்ணம் வழியாக  வரும் ஆராய்ச்சி உண்மைகளை இந்தக்கவிதை நமக்கு விளக்குக்கிறது.

வாழ்க வளமுடன்.

-

நன்கொடைகள் (Donate) வழங்க:

GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: