Do not leave and destroy times by imagine and maya! annex

கற்பனை மாயை விரும்பி காலம் அழித்திடாதீர்!

கவிதை: இங்கே படிக்கவும்

விளக்கம்:

நமக்குள் தானாக ஒரு எண்ணம் எழுந்தால், அது ஏன் என்று ஓரளவு ஆராய்ந்து உண்மை கண்டிட முடியும். வேதாத்திரியத்தின் அகத்தாய்வு வழியாக அந்த பயிற்சியைத்தான் கற்றுக்கொள்கிறோம். ஒரு எண்ணம் எழுவது என்பது இயல்பாக இருக்கிறது. அதாவது தகுந்த சூழல், மன அலைத்தொடர்பு உண்டானல், அது எண்ணமாக மூளையால் விரித்தும் காட்டப்படுவது இயற்கை.

ஆனால் அதுவல்லாது, நாமே, நமக்குள்ளாக, தன் விருப்பத்தின்படி எண்ணத்தை உருவாக்கிக் கொள்வதும் உண்டுதானே? அத்தகைய எண்ணம் ஏதோ ஒருவகையில் செயலூக்கம் தருவதற்காக உதவிடும் என்றாலும்கூட, வெறுமனே, பொழுதுபோக்காக, ஒரு எண்ணத்தை உருவாக்கிக் கொண்டு, அதில் தொடர்ந்து பயணிப்பதாக நினைத்துக் கொள்வது மாயை ஆகும். உதாரணமாக நிறைய சொல்லலாம் எனினும், அது என்ன என்று அவரவர்களுக்கே தெரியும் என்பதால் தனியாக சொல்ல வேண்டியதில்லை.

இப்படியாக மாயையான எண்ணங்கள் ஒருவகையில் ‘காலக்கொலை’ என்றுதான் நம் குரு மகான் வேதாத்திரி மகரிஷி அவர்கள் சொல்லுகிறார்.

ஒரு மண்பானையை உயரத்தூக்கி எறிந்தால் என்ன ஆகும்? வேகமாக கீழே விழுந்து நொறுங்கிப்போகும். அதுப்போலவே மனம் பாதிப்படையும் என்று அறிந்து கொள்க. மேலும் அந்நபரின் தன்னம்பிக்கை அகன்றுவிடும், புத்தியும் இது நிஜமா, பொய்யா என்று புரியாது பேதலிக்கும். அதாவது ஒரு பைத்தியம் போலான நிலைக்கு கொண்டுபோய் விடும். எனவே கற்பனையான மாயையில், நீங்களே விரும்பி ஏற்று சிக்கிக் கொள்ள வேண்டாம். மறுபடி கிடைத்திடாத, மதிப்பு வாய்ந்த காலத்தையும் அழித்திட வேண்டாம்.

உலகில் படிக்க கிடைக்கும் கதைகள், வாழும் மனிதர்களை பார்த்து, அவர்களைபோல கற்பனை செய்தல், சினிமா, காணொளி வழியாக பார்த்து கற்பிதம் செய்ய தூண்டுதல் பெறல் ஆகியன தவிர்த்திட வேண்டும் என்று இந்தக்கவிதை உண்மை விளக்கம் தருகிறது!

வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: