Enough one second thought will be redirect your life! annex

ஒருநொடி எண்ணம் போதும் வாழ்வை திருப்பிட!

கவிதை: இங்கே படிக்கவும்

விளக்கம்:

மருத்துவத்தில், நம் நோயின் தரம், உடலின் தன்மை, இரத்தத்தின் வகை, அதில் உள்ள எதிர்ப்பாற்றல், ரத்தத்தின் திடம், பாதிப்பு இவற்றை அறிந்திட, ஒரு துளி இரத்தம், ஒரு சிறு ஊசி மூலம், விரல் நுணியில் எடுத்து பரிசோதிப்பார்கள். அந்த பரிசோதனை அறிக்கையை நீங்கள் வாங்கி, படித்துப் பார்த்தால், ஒரு துளி இரத்ததில் இத்தனை விளக்கமும், முடிவும் கிடைக்கிறதா? என்று அதிசயிப்பீர்கள் என்பது உறுதி.

அதுபோலவே, நமக்குள் எழும் எண்ணமும் ஒரு நொடிப்பொழுதாக வந்தாலும் கூட, அது மிகச்சிறிய எண்ணம் தானே? இதைப்போய் ஏன் பெரிதுபடுத்துவானேன் என்று விட்டு விலக்கிட முடியாது. அந்த ஒரு நொடி எண்ணம், நம் வாழ்நாள் முழுதுமாக, எல்லா நேரங்களிலும், கொஞ்சம் முன், பின்னாக வியத்தகு ஆற்றலாக மலர்ந்திடும் என்பது உறுதியே! அந்த எண்ணத்தை உணர்ந்த, நினைத்த, நாம் மறந்திருக்கலாம். ஆனால் அந்த ஒரு நொடியிலான எண்ணம் ஒருபோதும் மறைந்தோ, விலகியோ, அழிந்தோ போவதில்லை என்பதை மறவாதீர். அது ஏன் அப்படி? என்ற ஒரு கேள்வியை கேட்டால்..

எண்ணமே, முதன்மையாகவும், எல்லாவற்றிற்கும் மூலமாகவும் இருக்கிறது அல்லவா? அதனால்தான்! மேலும், அந்த ஒரு நொடியிலான எண்ணம், இதுவரையில் நாம் எப்படிப்பட்டவர்? எப்படியான வாழ்க்கை நிலை? எந்நிலையிலான மனதின் நோக்கம்? என்ற விபரங்களையும் சுட்டிக்காட்டும் என்பது உண்மை. அதோடு இனிவரும் நாட்களில், நேரங்களில் நம்முடைய வாழ்க்கையில் நாம் எடுக்கின்ற நடவடிக்கை, செயலாற்றல், அதன்விளைவு எப்படி என்ற விபரங்களையும் முழுதாகவே எடுத்துக்காட்டும். கூடவே, நம்முடைய தரம் (Personality) என்ன என்பதையும் சொல்லிடும் என்று இந்தக்கவிதை உண்மை விளக்கம் அளிக்கிறது.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: