if you find someone is culprit, do not charge him. annex

 குற்றம் கண்டாலும் குறைகாண விரும்பவேண்டாம்!

கவிதை: இங்கே படிக்கவும்

விளக்கம்:

நமக்குள் எழுகின்ற எண்ணத்தின் மதிப்பு மிக்க செயல் என்ன என்ற உண்மையை, இந்தக்கவிதை வாயிலாக தெரிந்துகொள்கிறோம். அந்த விளக்கத்தை முழுதாக இங்கே காண்போம். எண்ணம் இல்லாத மனிதரே உலகில் இல்லை. நான் எதுவுமே எண்ணுவதில்லை என்று ஒருவர் சொன்னாலும் கூட, அவருக்குள் இருந்து கோடிக்கணக்கான எண்ணங்கள் மலர்ந்துகொண்டே தான் இருக்கும். ஒருவரின் காலம் முடியும் வரை அது நின்றுவிடுவதே இல்லை என்பதே உண்மையாகும். அப்படிப்பட்ட எண்ணமே மனிதனின் சிறப்பு என்றால் மிகையில்லையே!

இந்த எண்ணமானது, நமக்குள்ளிருந்து வெளிவந்து கொண்டே இருப்பது அல்லது நாம் நினைக்கின்ற எண்ணமாக இருந்து கொண்டு இருப்பது என்ற கருத்தில் மட்டுமே இருக்கிறோம் அல்லவா! அதற்கும் மேலான ஒரு நிலைபாடு எண்ணத்திற்கு உண்டு. அது என்ன?

நம் கூடவே இருந்து, நாம் செய்கின்ற அத்தனையும், துளி மாறாமல், அப்படி அப்படியே பதிக்கவும் செய்கிறது நம்முடைய கருமையத்தில். சிறப்பாக, ஒரு பதிவாளர் அருகே இருந்து, குறிப்பு எடுத்து பதிந்து கொள்வது போலவே, நிகழ்கின்ற அத்தனையும், சொல்லாக, செயலாக, விளைவுகளையும் கண்டு அதன் தன்மையாகவும், காட்சியாகவும், ஒலியாகவும் விபரக்குறிப்போடு பதிந்துவைத்துக் கொள்கிறது. இதனை அடிமனம்தானே செய்கிறது என்று சொல்லலாம். ஆம் ஆனாலும் அதற்கு பக்கபலமாக, வேராக எண்ணமும் துணைபுரிவதை மறுக்கமுடியுமா?

கருமையத்தில் பதிந்துவிட்ட அந்தப்பதிவு, அதேபோலான மன அலைச்சுழல் வந்துவிட்டால், நிகழ்ந்தது நிகழ்ந்தபடியே நம் மூளையோடு தொடர்பு கொண்டு, காட்சியாக, ஒலியாக, நமக்கு மீண்டும் காட்டிவிடும். அதை நாமாக மீண்டும் நினைத்தாலும் வரும். இந்த உண்மை முழுதாக உணர்ந்து கொண்டுவிட்டால், பிறரை குற்றம் கண்டு, குற்றவாளி என்று கூட குறைகாண வேண்டாம் என்பதும் உணர்வாக பெற்றுவிடுவோம். இத்தனை நுண்மையான விபரத்தை, குரு மகான் வேதாத்திரி மகரிஷி அவர்கள் நமக்கு அறியத்தருகிறார். குற்றமென்று சொல்லும் முன்பாக, குற்றவாளியாக மாறிட வேண்டாம், குற்றம் சாட்டவும் வேண்டாம், அவரை தவறிலிருந்து மன்னித்துவிடுக என்றும் சொல்லுகிறார். அதோடு மேலும் ஒரு புதிதான பதிவில் இருந்தும் நாம் தப்பித்தும் கொள்ளலாமே என்பதாக இந்தக்கவிதை உண்மை விளக்கம் அளிக்கிறது.

வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: