Happiness and Suffering

இன்பமும் துன்பமும்

🔎 Click this image and read it big size

விளக்கம்:

உலகில் வாழும் எல்லா மக்களும் இன்புற்று மகிழ்ந்து வாழ்வதற்காகவே பிறந்தோம் என்பதுதான் உண்மை. ஆனால் அப்படியான வாழ்க்கை இருக்கிறதா? என்று கேட்டால் ஒருபதிலும் இல்லை. பெரும் பணக்காரன் அப்படி வாழலாம் என்று ஒரு ஏழை சொல்லுவார். பணக்காரனிடம் கேட்டால், ஒரு ஏழைந்தான் அப்படி வாழ்வான் என்று சொல்லுவார். இப்படி மாற்றிமாற்றி பதில் தந்துகொண்டே இருப்பார்களே தவிர உண்மையில் எது எது இன்பம்? எப்படி அதை பெற்றுவாழ்வது? என்று சிந்திக்க மாட்டார்கள்.

குருமகான் வேதாத்திரி மகரிஷியின், வேதாத்திரியம் வழியாக கிடைக்கும் உண்மையான வழி என்ன? பார்க்கலாமா?!

நாம் உடல் வழியாகவும், உடற்கருவிகள் வழியாகவும், மனதின் வழியாகவும் இன்பம் துன்பம் உணர்கின்றோம் என்பது உண்மைதானே? இந்த உடல், இயற்கையின் வழியாக வந்தது, பெற்றோர் அதற்கு துணையாக இருந்தனர். இந்த உடலின் இயக்கம் அற்புதமானது. அதன் இயக்கத்தை ஆழ்ந்து கவனித்தால், அது இயற்கையின் / தெய்வீகத்தின் இயக்கம் என்பதை அறியலாம். நம் உடலோடு இயங்கும் உயிர்த்துகள்கள் தன் ஆற்றலால், நம் மனமாகவும் விளங்குகின்ற உண்மையை, நம் குரு நமக்கு அறியத்தருகிறார்.

நாம் ஓவ்வொரு நாளும், ஒவ்வொரு நொடியும் மனதின் விருப்பத்தாலும், உடலின் தேவையாலும் இயங்குகிறோம் அல்லவா? அப்படி இயங்கும் பொழுது, கவனமாக என்ன நிகழ்கிறது? என்று ஆராயவேண்டும். அந்த வழியில் என்ன செய்தால் இன்பம் விளைகிறது? என்ன செய்ததால் துன்பம் விளைகிறது என்று அறியலாம், அதை இந்த உடலும் வெளிக்காட்டும் என்பதே உண்மை.

இந்த ஆய்வுகளின் வழியாக, பொதுவான ஒரு முடிவுக்கு வருவதானால், உடலை சற்றும் மதிக்காத செயல்கள் அனைத்தும், நமக்கும், நம்முடைய உடலுக்கும் துன்பம் தருகிறது என்ற உண்மையை அறியலாம். ஆனால் அவ்வளவு எளிதில் இதை ஏற்றுக்கொள்ள முடிகிறதா? ஓவ்வொருவரும் தன்னில் நின்று அகத்தாய்விலும், தற்சோதனையிலும் இந்த உண்மையை அறிந்திட முடியும் என்பதாக இந்த ‘இன்பமும் துன்பமும்’ கவிதை விளக்கம் அளிக்கிறது.

வாழ்க வளமுடன்.

-

நன்கொடைகள் (Donate) வழங்க:

UPI: 9442783450@UPI
GPay: 9442783450@okhdfcbank
WhatsApp: 9442783450.wa.qvi@wahdfcbank
Bhim UPI: 9442783450@upi
PhonePe: 9442783450@ybl

Present by: