Be free from Imprints

 விலங்கை விலக்கு!

பரிணாமத்தில் உயர்ந்தவனேமனிதன் 

என்றாலும் மனமிதனாக இருப்பதில்லை

இதமானமனம் என்பதன் முழுமைஏது?

சமூகவிலங்கு என்றார் ஆராய்சியாளர்

சொன்னதற்கு ஏற்பவுமெழும் சிலகுணங்கள்!

விலங்குடைத்து அறிவுத்தடை விலக்குவதே

மனிதனின் பொறுப்பும் கடமையுமாகும்.

அவ்வறிவை பெறுதற்கு எளியவழியுண்டு

பேராசைசினம் முற்றாய் ஒழித்தால்

மனம்நிறைந்து இறையருள் விளங்கும். 

விளக்கம்:

மனிதன் என்ற வார்த்தையின் மேன்மை அறிந்தால், மனம்+இதன் என்றாகிறது. இதமான மனதை கொண்ட, அறிவில் உயர்ந்து முழுமை பெற்ற உயிரினமே மனிதன். தன்னையும் அறிந்து, இந்த இயற்கையையும் உணர்ந்து தெளிவு பெறக்கூடிய தகுதி உடையவனே மனிதன். ஆனால் மனிதன் தனியாக வானத்திலிருந்து குதித்துவிடவில்லை. வழிவழியாக கருத்தொடரின் வழியே, பல பிறவிகளின் பலனாகவே வந்திருக்கிறான். மனிதனின் வாழ்வை ஆராய்ச்சியாளர்கள் “சமுக விலங்காக” குறிப்பிடுகின்றனர்.

ஆனாலும் மனிதனிடம், மிருகங்களிடமிருக்கும் 1) கொலை செய்தல் 2) வாழும் சுதந்திரத்தை பறித்தல் 3) உணவாக கொள்ளுதல் ஆகிய குணங்கள் இன்னமும் இருக்கின்றனவே!

இந்த விலங்கை, மனிதனானவன் உடைத்தெறிய வேண்டியது அவசியம். அப்பொழுதான் மனிதன் முழுமை பெற முடியும். அதற்கான வழி, பேராசை, சினம் இரண்டையும் முழுதுமாக ஒழித்துவிட வேண்டும். அதற்கான பயிற்சிகளை உடனே ஆரம்பித்தால் நல்லதே. அதுவல்லாது நான் மனிதன் என்று சொல்லிக்கொள்வதில் அர்த்தமில்லை. முழுமை பெற்ற மனதில் மட்டுமே  இறையருள் நிறைந்து விளங்கும் என்பது உண்மை என்பதை இக்கவி விளக்குகிறது. 

-----