Planets give positive energy

 கோள்கள் வழங்கும் சாதகம்!

ஒருவித்தின் தத்துவம் அறிந்திட்டால்

ஒருமனிதன் வாழ்வும் அறிந்திடலாம்.

வளர்ச்சியில் அவ்வப்போது உதவிடும்

கோள்களின் தன்மையும் உணரலாம்.

பிரபஞ்சம் முழுதுமே தன்னலைவீசி

ஆட்கொள்ளும் தனித்தனி சூரியன்கள்

விலக்கல்ல யாருமே ஏற்கவேவேண்டும்.

ஏற்பதிலேது விதிவிலக்கு? ஏற்றுக்கொள்க

நன்மையாய் முரண்படா மனப்போக்கால்!

உள்ளுணர்வாய் மனமுணர்த்தும் தெளிவுகொள்!

விளக்கம்:

ஒரு விதை விதைப்பதற்கு காலம், பருவநிலை பார்த்து நடுவார்கள். அப்பொழுதான் பருவம் மாறாத நல்ல விளைச்சல் தரும். காலத்தோடு, இந்த பிரபஞ்சத்தில் உள்ள கோள்களின் அலைவீச்சும் அப்பயிருக்கு உதவுகிறது. அதுபோலவே மனிதனும், எப்போது பிறந்தாலும், பிறந்த அந்த நொடியிலிருந்து கோள்களின் அலைவீச்சுக்கு ஆளாகிறான். அவ்வப்பொழுது கோள்களின் அருகாமை, தூரம் இவற்றால் உடல், மன, உயிர் மாற்றம் பெறுகிறான் என்பதும் உண்மையே.

எல்லா கோள்களும் தீமை செய்கின்றன என்றே மனிதன் எண்ணுகிறான். அது முற்றிலும் தவறு. ஏற்கனவே அவன் தன் பிறவியின் வழியாக பெற்ற “வினைப்பதிவுகளை” அல்லது “கர்மாவை” தீர்ப்பதற்கு வழிதான் சொல்லுகிறது என்பதை புரிந்துகொண்டால் நன்மையே!

என்ன நடந்துகொண்டிருக்கிறது? என்ன நிகழப்போகிறது என்பதை அவனவன் மனமே உள்ளுணர்வாக உணர்த்தும். அதைப் புரிந்துகொண்டால் கோள்களின் நன்மையையும் புரிந்துகொள்ளலாம். இதில் யாருமே விதிவிலக்கல்ல! இத்தகைய உண்மையை இக்கவி விளக்குகிறது!

வாழ்க வளமுடன். 

------