You know fake philosophy

 போலி தத்துவம் அறிவீர்

இறைத் தத்துவம் தந்த முன்னோர்கள்

மறுபிறவி முற்பிறவி என்று சொன்னாலும்

வீடுபேறு என்றும் பிறவாமை என்பதையும்

முன்னிறுத்தி யோகம் வழங்கி வந்தார்கள்!

சொர்க்கம் நரகமென்ற போலி தத்துவமது

கபடநாடகமாடி மக்களை பிரித்த நிலையது

யோகத்தில் மக்கள் சென்றால் தனக்கோர்

விடிவில்லை என்றே பக்தி வளர்த்தோர்சதி!

விளக்கம்:

இந்தியா உலகுக்கே யோகம் தந்த ஆன்மீக நாடு. அதிலும் தமிழ்நாட்டு சித்தர்கள் முதன்மையானவர்கள். “நான் யார்?” என்ற கேள்வியில் தொடங்கி, அதனினும் உயர்ந்த யோகக் கலை மூலமாக, படிப்படியாக தன்னையே சோதனை செய்து, அகத்தவத்தில் நிலைத்து நின்று இறை உண்மையை உணர்ந்தவர்கள். தான் கற்றதை தன் சீடர்களும் கற்க வழி செய்தார்கள். மக்கள் வாழ்வில் உயர்வு கருதி, அவர்களுக்கு அவர்களின் அறிவில் ஏற்ப கருத்துக்களில் புரியவைத்தார்கள். அதில் ஒன்றுதான் ஆன்மா லயமாகும் இடமான ஆலயம். நீ உன் அகத்தவத்தால் ஒளிர்ந்தால், கும்மிருட்டான கருவறையில் இறை காணலாம் என்ற கருத்தை உள்முகமாக வைத்தார்கள். பின்னாளில் அங்கே பக்தி புகுந்துவிட்டது.

சித்தர்கள் யார்? சித் என்ற உயிரை அறிந்து, அதன் வழியே இறை உணர்ந்தவர்கள் சித்தர்கள் ஆகும். சித்தர்களின் கொள்கையில், மறுபிறவி, முற்பிறவி என்று இருந்தாலும் கூட, வீடுபேறு மற்றும் பிறவாமையை நோக்கமாக கொண்டார்கள். அதை நோக்கி வாழ்வதே பிறவிக்கடமை என்றும் அறிவுறுத்தினார்கள்.

ஆனால் சித்தர்களின் கருத்துக்களை, மக்களிடம் மறக்கடித்து, சித்தன் என்பவனை பைத்தியக்காரனாக உருவகப்படுத்தி, சொர்க்கம், நரகம் என்று போலி தத்துவம் சொல்லி, யோகம் வேண்டாம் என்று மக்களை தடுத்துவிட்டார்கள். எல்லா மக்களும் யோகம் கற்று, இறை உணர்ந்து விட்டால், யார்வாழ்விலும் துன்பம் எழாத என்றுமே இன்பவாழ்க்கை வாழ்வார்கள். அப்படி வாழ்ந்தால் தங்களுக்கு விடிவில்லை என்றே பயந்து, சதி திட்டத்தோடு பக்தி வளர்த்து மக்களை யோகமற்ற துன்பத்தில் ஆழ்த்திவிட்டார்கள். அந்த விளக்கத்தை இந்தக்கவிதை தருகிறது.

வாழ்க வளமுடன்.

-----

Present by: