Wonder of the Sahasrara meditation

 துரிய தீட்சை அற்புதம்!

குண்டலினி உயர்த்தும் தீட்சையோ ஆக்ஞை

அதுகுருதன் கரங்களால் தொட்டு யர்த்தியது

குண்டலினி சமன்செய் தீட்சையோ சாந்தி

குருதன் வார்த்தையால் உணர்த்தி தந்தது

குண்டலினி தலைஉச்சி துரியம் அடைவதோ

குருவேஎதிர் அமர்ந்துதன் அருட் பார்வையில்

உயர்த்தித் தந்துசுழற்றி விட்ட பெரும்பேராகும்

மனிதன் தன்னுயிர் உணரும் அற்புதமாகும்!

விளக்கம்:

இந்த உலகில், பெரும்பான்மையான சித்தர்கள் வழிதந்த யோகசாதனையில் ஆக்கினை, துரியம் முக்கியமானதாக இருந்தன. துரியமே முழுமைப்பேறு தரும் தவமாகும். பின்னாளில் தவ ஆற்றலை குறைக்கும் சாந்திதவமும் கிடைத்தது. இந்த தவங்களின் தீட்சை முறை என்ன?

மூலாதாரம் என்ற ஆற்றல் சக்கரத்திலிருந்து, குண்டலினியை எழுப்பி, ஆக்கினை ஆற்றல் சக்கரத்திற்கு உயர்த்தித் தருவது, குருவின் அருட்கரங்களால், தொட்டுத் தரும் தீட்சைமுறை ஆகும். தவ ஆற்றலை சமப்படுத்தி, உடல் சக்தியாக மாற்றிக்கொள்ள, குண்டலினி சக்தியை மீண்டும் மூலாதாரம் கொண்டுவருதல், குரு தன் வார்த்தைகளால் நமக்கு உணர்த்தி தரும் தீட்சைமுறை ஆகும்.

ஆக்கினை சக்கரத்தில் உயர்ந்த தவ ஆற்றலோடு, துரிய சக்கரத்தில் (சகஸ்ரதாரா) அமைத்து சுழற்றிவிடுதலில் இரண்டு தீட்சை கலந்திருக்கிறது. 1) தவ சாதகரின் எதிரே அமர்ந்து, அவர் கண்களை, குரு தன் கண்களால் பார்த்து அருட்பார்வை ஊட்டிவிட்டு 2) பிறகு தலை உச்சியில், தன் அருள்வழங்கும் விரல்களால் சுழற்றி விடுதலும் ஆகும். இது குருவால் நமக்கு கிடைத்த பெரும் பேராகும். துரிய தவத்தின் வழியாகவே, மனிதன் தன் உயிரை உணரும் அற்புதம் நிகழ்கிறது. இத்தகைய உண்மையை இந்தக்கவிதை நமக்கு வழங்குகிறது.

வாழ்க வளமுடன்

-----

Present by: