You will move in your position!

 உன் நிலையிலே நீ நகர்வாய்!

இருக்கும் நிலையில் தன்னை

பிறரோடு ஒத்துப் பார்க்க

தானே எதனிலும் தாழ்வாய்

நினைக்கத் தோன்றும் பொதுவாய்!

உன்பார்வை சற்றே தாழ்த்தி

உன்னை பார்க்கும் கண்கள்பார்!

உன்னிலும் கீழே இருப்போர்

உன்னிடம் பொறாமை கொள்வார்!

இப்போது நீயிருக்கும் நிலையிலேயே,

நகர்ந்து செல்வாய் பொறுமையாக! 

விளக்கம்:

ஒவ்வொரு மனிதருக்கும் பிறப்பு என்பது பொதுவானதாகும். அறிவின் நிலை, பொருளாதாரம், வாழும் முறை இவற்றால் ஒருவர் உயர்ந்தோராகவும், தான் தாழ்ந்தவராகவும் தோன்றுவது பொய்மை. அது ஒரு கற்பிதம். அவரை விடவும் உயர்ந்தோராக இன்னொருவர் நிச்சயமாக மாற முடியும்! விடாமுயற்சியும், உழைப்பும் முக்கியம். 

ஆனால் நாம், பிறரை பார்த்தே நாம் சோம்பலாகி நின்று விடுகிறோம். இவ்வளவுதான் என்னால் முடியும் என்று எல்லை கட்டிவிடுகிறோம். ஆனால், இப்பொழுது நாம் இருக்கும் இந்த நிலையை அடைய, எத்தனையோ பேர் முயற்சி செய்துகொண்டிருப்பார்கள். இன்னும் சொல்லப்போனால் நம் மீது பொறாமைக்கண் கொண்டிருப்பார்கள்.

அந்த உண்மையை அறிந்து, தன் நிலை எதற்கும் குறைவில்லை என்ற மனத்திடத்துடன், இன்னும் நான் சிறப்படைவேன் என்ற உறுதியுடன் உழைத்தால், நாம் எல்லாவகையிலும் உயரலாம். பிறருக்கும் உதவாலாம் என்று இந்தக்கவி விளக்குகிறது.

-----

Thanks to Image by: @freerangestock